Հայաստանի Արմավիրի մարզում տարեց մի մարդ մահացել է մեղվի խայթոցից, երկուշաբթի հաղորդում է ՀՀ ԱԻՆ փրկարար ծառայությունը:
«Արմավիրի մարզից տեղեկություն է ստացվել, որ մայիսի 1-ին, ժամը 20.00-ի սահմաններում մեղվի խայթոցից թունավորվել և հիվանդանոց տեղափոխելու ճանապարհին մահացել է Լուկաշին գյուղի բնակիչ, 1953 թ. Ռադիկ Ավետիսյանը»,- ասվում է հաղորդագրության մեջ:
Թունավորման մեկ դեպք էլ գրանցվել է Շիրակի մարզում: Գյումրու բնակիչ 19-ամյա Գրիգորյանը քաղաքային հիվանդանոց է տեղափոխվել դեղի թունավորումից: Տուժվածի վիճակը բժիշկները միջին ծանրության են գնահատում: -0-
