Հայաստանը չինական Huawei հեռուստահաղորդակցական ընկերության հետ համագործակցության հուշագիր է ստորագրել

Համագործակցության մտադրությունների մասին հուշագիր է ստորագրվել հայկական կողմի և Huawei Technologies չինական հեռահաղորդակցական ընկերության միջև, երկուշաբթի հաղորդում է ՀՀ նախագահ մամուլի ծառայությունը։ 

Ապրիլի 29-ին հայկական պետության ղեկավարը մեկնել է ՃԺՀ՝ Շանհայում Էքսպո-2010 համաշխարհային ցուցահանդեսի բացմանը մասնակցելու համար։

«Չինաստանում գտնվող նախագահ Սերժ Սարգսյանը մայիսի 2-ին իր կեցավայրում ընդունել է «Հուավեյ» (Huawei Technologies Co. Ltd) կորպորացիայի գործադիր տնօրեն Լին Րուի Չիին: Քննարկումների արդյունքում  հայկական կողմը համագործակցության մտադրությունների մասին հուշագիր է ստորագրել «Հուավեյ» ընկերության հետ:»,- ասվում է հաղորդագրությունում։

Ինչպես ասվում է հաղորդագրությունում, Huawei ընկերությունը դինամիկ զարգացող ընկերություն է, և ներկայումս հեղինակային արտոնագրերի թվով միայն զիջում է Intel ընկերությանը, իսկ իրացման ծավալներով՝ միայն Էրիկսոնին։

Huawei-ը մտադիր է ապագա երեք տարիների ընթացքում աշխարհում առաջին տեղը գրավել, և այդ նպատակն իրականացնելու համար հետաքրքրված է  Հայաստանի ծրագրերով:

Հայկական պատվիրակությունը` նախագահի գլխավորությամբ, այցելել է նաև «ZTE» (Zhong Xing Telecommunication Equipment Company Limited) կորպորացիայի շտաբ-բնակարան և հանդիպել կորպորացիայի նախագահ Լիրոն Շիի հետ:

Ինչպես ասվում է հաղորդագրությունում, այս երկու ընկերությունները, որ մասնագիտացած են հեռահաղորդակցության ոլորտի մի շարք ճյուղերում` սարքավորումների արտադրություն, էլեկտրոնային կառավարում, հեռաղարդակցական համակարգեր և այլն, մտադիր են մասնակցել Հայաստանի հեռուստահաղորդակցության  ոլորտում իրականացվելիք  հավակնոտ ծրագրերին:

Նախագահ Սարգսյանն ու ZTE ղեկավարը քննարկել են համագործակցության հեռանկարները։

Դրական վերաբերելով չինական ընկերության` Հայաստանում գործունեություն ծավալելու հետաքրքրությանը, նախագահ Սարգսյանը միաժամանակ նշել է, որ հայկական կողմը պատրաստ է աջակցելու չինական ընկերություններին և ցանկություն ունի մասնակցել նաև արտադրական պրոցեսին: -0-