Հայաստանի արտաքին առևտրաշրջանառության ընդհանուր ծավալում Ռուսաստանի մասնաբաժինը կազմում է 21,7%

ԵՐԵՎԱՆ, 30 ապրիլի./Նովոստի-Արմենիա/. Առաջին եռամսյակի արդյունքներով, Հայաստանի արտաքին առևտրաշրջանառության ընդհանուր ծավալում Ռուսաստանի մասնաբաժինը  կազմում է 21,7%, այս մասին «Նովոստի-Արմենիա» գործակալությանը հայտնեցին ՀՀ Ազգային վիճակագրական ծառայությունից։

Վիճակագրության տվյալներով, այս ցուցանիշը ամենաբարձրն է Հայաստանի առևտրային գործընկեր-երկրների շրջանում։ ԱՊՀ երկրներին ընդհանուր առմամբ բաժին է ընկել Հայաստանի արտաքին առևտրաշրջանառության 28,4% -ը, իսկ ԵՄ երկրներին՝ 32,4%-ը։

Հունվար-մարտ ամիսների տվյալների համաձայն, Հայաստանի՝ Ռուսաստանի հետ ունեցած արտաքին առևտրաշրջանառությունն աճել է 13,8%- ով 2009թ.-ի հունվար-մարտ ամիսների համեմատ և կազմել 219,3 մլն դոլար:

Ընդ որում, ընթացիկ տարվա հունվար-մարտ ամիսների Հայաստանից Ռուսաստան արտահանումը կազմել է 26,1 մլն. դոլար (Հայաստանի ողջ արտահանման 13,2% -ը)՝ 2009թ.-ի հունվար-մարտ ամիսների համեմատ՝ աճելով 42,1 տոկոսով:

Հայաստան ներմուծված ռուսական ապրանքի ծավալը հաշվետու ժամանակահատվածում կազմել է 193,2 մլն. դոլար՝ աճելով 10,8%-ով։ Միաժամանակ, ՌԴ տարածքից ներմուծման ընդհանուր ծավալը կազմել է շուրջ 152,4 մլն. դոլար (աճելով 15,9%-ով) կամ ներմուծման ընդհանուր ծավալի 18,7%- ը։

Հունվար-մարտ ամիսների Հայաստանի արտաքին առևտրաշրջանառության ընդհանուր ծավալը, նախորդ տարվա միևնույն ժամանակահատվածի համեմատ, աճել է 29 տոկոսով և կազմել 1012,7 մլն դոլար։ Միաժամանակ, արտահանման ծավալը կազմել է 198,5 մլն դոլար,  իսկ ներմուծում ծավալը՝ 814,2 մլն. դոլար։--0—