2009թ.-ի ընթացքում ՀՀ ԳԱԱ երիտասարդ գիտաշխատողների թիվն ավելացել է 160-ով

2009թ.-ի ընթացքում ՀՀ ԳԱԱ երիտասարդ գիտական աշխատակիցների թիվն ավելացել է 160-ով, չորեքշաբթի լրագրողներին հայտնեց Ակադեմիայի նախագահ Ռադիկ Մարտիրոսյանը:

«Անցած տարի ԳԱԱ համակարգ աշխատանքի է ընդունվել շուրջ 160 երիտասարդ գիտական աշխատակից, որը վատ ցուցանիշ չէ»,- ասաց Մարտիրոսյանը: Ըստ նրա, ԳԱԱ կադրերի լրացման միտումները նկատվում է արդեն վերջին 3-4 տարիներին:

Ակադեմիայի խնդիրների մասին խոսելիս՝ Մարտիրոսյանը նշել է ֆինանսավորման մեծացման և ենթակառուցվածքի արդիականացման անհրաժեշտությունը:

Նա հայտնեց, որ համեմատության համար համանմանություն է անցկացվել ԵՄ գիտական կենտրոնի (որի կազմում կա 1733 աշխատակից՝  յոթ ինստիտուտից) կողմից թողարկվող ապրանքի և  ֆինանսավորման ծավալների և ինը հայրենական գիտական ինստիտուտների գրեթե համանման քանակով (1600-ից մինչև 1700) աշխատակիցների ծավալների միջև: Ըստ նրա, Եվրամիության կողմից հիմնադրված գիտական կենտրոնի աշխատակիցների ֆինանսական ապահովումը տարեկան հասնում է 314 մլն եվրոյի:

Համեմատության արդյունքում, ինչպես տեղեկացրեց ԳԱԱ նախագահը, պարզվել է, որ ԵՄ գիտական կենտրոնի կողմից թողարկվող ապրանքի ծավալը տարեկան կտրվածքով, գրեթե երկու անգամ ավել է հայկական գիտական ապրանքից, սակայն ֆինանսավորման տարբերությունն ավել է գրեթե հարյուր անգամ:

«ԵՄ գիտական կենտրոնի ամեն աշխատակցին տարեկան բաժին է ընկնում շուրջ 0,55 միջազգային  գիտական հոդված՝ մեր 0,35-ի դեմ: Դրա հետ մեկտեղ ԵՄ գիտական կենտրոնի ամեն աշխատակցին տարեկան հասել է շուրջ 200 հազար եվրո, այդ ժամանակ Հայաստանում ամեն գիտական աշխատակցի ծախսերի ծավալը չի գերազանցել 1 մլն դրամը, այսինքն մոտավորապես 2 հազար եվրոն»,- ասաց նա: -0-