Հայաստանի նախագահը Բելառուսում և Ուկրաինայում ՀՀ դեսպաններ է նշանակել

ԵՐԵՎԱՆ, 27 ապրիլի. /Նովոստի-Արմենիա/. ՀՀ նախագահ Սերժ Սարգսյանը ապրիլի 26-ին հրամանագրեր է ստորագրել Արմեն Խաչատրյանին Ուկրաինայում ՀՀ արտակարգ և լիազոր դեսպանի պարտականություններից ազատելու և Բելառուսի Հանրապետությունում ՀՀ արտակարգ և լիազոր դեսպան նշանակելու մասին (նստավայրը՝ Մինսկ), երեքշաբթի «Նովոստի-Արմենիա» գործակալությանը տեղեկացրեցին նախագահի մամուլի ծառայությունից:

Ըստ տեղեկատվության՝ նախագահ Սերժ Սարգսյանի մեկ այլ հրամանագրով Oլեգ Եuայանը ազատվել է Անկախ պետությունների համագործակցության կանոնադրական և այլ մարմիններում ՀՀ մշտական լիազոր ներկայացուցչի պարտականություններից և այդ պաշտոնին է նշանակվել Արմեն Խաչատրյանը:

Նույն օրը նախագահ Սերժ Սարգսյանը հրամանագրեր է ստորագրել Անդրանիկ Մանուկյանին ՀՀ նախագահի խորհրդականի պաշտոնից ազատելու և Ուկրաինայում ՀՀ արտակարգ և լիազոր դեսպան նշանակելու մասին (նստավայրը՝ Կիև)՝ շնորհելով նրան ՀՀ արտակարգ և լիազոր դեսպանի դիվանագիտական աստիճան:-0-