Եվրոպան լուրջ ճնշում է գործադրում Թուրքիայի վրա Հայոց ցեղասպանությունը ճանաչելու համար. ԵԱՀԿ ԽՎ անդամ

«Եվրոպան լուրջ ճնշում է գործադրում Թուրքիայի վրա, որպեսզի վերջինս ընդունի սեփական սխալները, քանի որ հենց հիմա Թուրքիայում սահմանադրական փոփոխություններ են իրականացվում՝ եվրախորհրդարանի պահանջներին Սահմանադրությունը մոտեցնելու համար», - ասել է Միգլիորին «Ծիծեռնակաբերդի» հուշահամալիրում ծաղիկներ դնելուց հետո:

Միաժամանակ պատգամավորը նշել է, որ Թուրքիայի կողմից Ցեղասպանության ճանաչումը միայն ժամանակի հարց է:

«Արդեն կան թուրքեր, ովքեր ճանաչում են Ցեղասպանությունը, սակայն գլոբալ մասշտաբով դեռևս ժամանակ է հարկավոր լիարժեք ճանաչման համար», - ասել է Միգլիորին:

Նա ընդգծել է, որ Հայաստանն արդեն բազմաթիվ քայլեր է ձեռնարկել աշխարհում Ցեղասպանության ճանաչման համար, և շատ երկրների կողմից այս փաստի ճանաչումը հայկական կողմից ներկայացվող քաղաքականության և մշակույթի արդյունքն է:

«Մենք այստեղ ենք 95 տարի առաջ տեղի ունեցած ողբերգության զոհերի հիշատակը հարգելու և ողջ աշխարհում նման իրադարձությունները կանխելու համար ենք, քանի որ դա արդեն Հայաստանի և Թուրքիայի փոխհարաբերությունների հարցը չէ, այլ ողջ աշխարհի խնդիրն է, որը պետք է լուծվի», - ասել է Միգլիորին:

Համայն հայությունը շաբաթ օրը՝ ապրիլի 24-ին, նշել է Օսմանյան կայսրությունում Հայոց ցեղասպանության 95-րդ տարելիցը:

Թուրքիան ավանդաբար մերժում է Առաջին համաշխարհային պատերազմի տարիներին մոտ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերվում Հայոց Ցեղասպանության հարցի վերաբերյալ Արևմուտքի կողմից արվող քննադատություններին։

Հայոց ցեղասպանության փաստը ճանաչել են բազմաթիվ երկրներ, մասնավորապես, Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, Գերմանիան, Հոլանդիան, Սլովակիան, Շվեդիան, Շվեյցարիան, ԱՄՆ 50 նահանգներ, ինչպես նաև Հունաստանի, Կիպրոսի, Արգենտինայի, Բելգիայի, Ուելսի խորհրդարանները, Կանադայի խորհրդարանի համայնքների պալատը և Լեհաստանի սեյմը, Վատիկանը, Եվրախորհդարանը, Եկեղեցիների համաշխարհային խորհուրդը։ -0-