ՀՀ կառավարությունն ու Գիտությունների ազգային ակադեմիան համատեղ ջանքերով պետք է բարձրացնեն գիտնականների հեղինակությունը, կարծում է վարչապետ Տիգրան Սարգսյանը:
«Այսօր Հայաստանում բարոյական ճգնաժամն է իշխում, և համատեղ ջանքերով ստեղծված պայմաններում պետք է բարձրացնենք հայ գիտնականների հեղինակությունը: Ժամանակակից Հայաստանի հերոսը ամենևին էլ գիտնականը չէ, ով շատ հաճախ ծաղրի առարկա է դառնում»,- ուրբաթ ԳԱԱ-ի տարեկան ժողովի ժամանակ ասաց վարչապետը:
Ինչպես նշեց կառավարության ղեկավարը, այսօր Հայաստանում գիտությամբ զբաղվելը անհեռնկարային է և ոչ ձեռնտու, ինչը ժամանակակից հասարակության կարևորագույն խնդիրներից է: Սարգսյանն ասել է, որ գիտնականների հեղինակությունը բարձրացնելու համար անհրաժեշտ է ավելացնել աշխատանքի վարձավճարը, ոլորտի ֆինանսավորումը:
«Բայց նաև հակառակ կողմ գոյություն ունի՝ ֆինանսական միջոցների առկայության համար դուք պետք է ապրանք տաք, որը մենք կկարողանանք վաճառել»,- ասաց Սարգսյանը:
Միաժամանակ վարչապետը հայտնեց, որ արդեն մի քանի շաբաթ իր բլոգում բանակցություններ են գնում գիտության զարգացման հեռանկարային և գերակա ուղղությունների շուրջ: Սարգսյանը հայտնեց, որ քննարկման ժամանակ հաճախ փոխբացառող մտքեր են ասվում, և տպավորություն է ստեղծվում, որ հասարակությունում տվյալ հարցի վերաբերյալ համաձայնություն չկա:
«Մենք պետք է հասարակությանը ներկայացնենք, որ գիտությունը տնտեսության զարգացման հեղինակային ուղղությունն է, գիտությամբ զբաղվելը պատվաբեր է»,- ասաց Սարգսյանը: -0-
