Հայկական գրքերը կներկայացվեն Մոսկվայում հունիսի 4-5-ը ԱՊՀ երկրների «Գրքի արվեստը» միջազգային մրցույթի շրջանակներում

ԵՐԵՎԱՆ, 22 ապրիլի. /Նովոստի-Արմենիա/. Հայաստանի տարբեր մրցույթներում հաղթած հայկական լավագույն հրատարակությունները կներկայացվեն Մոսկվայում հունիսի 4-5-ը ԱՊՀ երկրների «Գրքի արվեստը» միջազգային մրցույթի շրջանակներում, հինգշաբթի մամուլի ասուլիսի ժամանակ տեղեկացրեց ՀՀ մշակույթի նախարարությանն առընթեր Գրահատարակչության գործակալության պետ Էդուարդ Միլիտոնյանը:

«Վերջին երեք տարվա ընթացքում մեր գրքերն արժանացել են բարձրագույն մրցանակների, մասնավորապես, մշակույթին և արվեստին նվիրված ալբոմները», - ասաց Միլիտոնյանը:

Նրա խոսքերով՝ հայ հրատարակիչներն այս ժամանակահատվածում մասնակցել են ավելի քան տասը միջազգային ցուցահանդեսների:

«Պետական մակարդակով գրահրատարակիչներն ամեն տարի մասնակցում են Փարիզում, Մոսկվայում և Ֆրանկֆուրտում անցկացվող միջազգային ցուցահանդեսներին: Այս տարի նրանք մասնակցել են նաև Փարիզում և Մինսկում կայացած ցուցահանդեսներին, այժմ պատրաստվում են մասնակցել Թեհրան նախատեսված Գրքի միջազգային ցուցահանդեսին՝ Հայաստանում հրատարակված գրքերը ներկայացնելու նպատակով», - տեղեկացրեց նա:

Միաժամանակ Գրահատարակչության գործակալության պետը նշեց, որ Հայաստանում պետական մակարդակով պատրաստվում են գրքի ստեղծման 500-ամյակին, որը նշվելու է 2012 թ.-ին:

Այս կապակցությամբ, նրա խոսքերով, արդեն պետական ծրագիր է մշակվել:

«Մենք պետք է հասնենք նրան, որ Հայաստանը դառնա գրքի միջազգային կենտրոն, իսկ Երևանը՝ գրքի մայրաքաղաք», - ընդգծեց նա:-0-