Երկրի համաշխարհային օրվան նվիրված ֆոտոցուցահանդես՝ Երևանում
ԵՐԵՎԱՆ, 21 ապրիլի. /Նովոստի-Արմենիա/. «Ռոսիա» հասարակական կազմակերպության անդամ, սիրողական լուսանկարիչ Իրինա Սողոմոնյանի «Բնության կախարդական դեմքերը» հեղինակային ցուցահանդեսը կբացվի ապրիլի 22-ին Երևանում Գիտության և կրթության ռուսական կենտրոնում, «Նովոստի-Արմենիա» գործակալությանը հաղորդեցին Հայաստանում Ռոսսոտրուդնեչեստվոյի ներկայացուցչությունից։
Երկրի համաշխարհային օրվան նվիրված ցուցահանդեսը, որը ՅՈՒՆԵՍԿՕ-ի որոշմամբ նշվում է 1990թ.-ից, որի նպատակն է միավորել մարդկանց շրջակա միջավայրի պահպանման գործում, կտևի մինչև ապրիլի վերջ։
Ցուցահանդեսի ցուցադրություններում կներկայացվի ավելի քան 200 լուսանկար, որոնք հանդիսատեսին կներկայացնեն Հայաստանի բնապատկերները, հիանալի նատյուրմորտներ, կենդանիների լուսանկարներ։
Ցուցահանդեսի բացման արարողությանը կմասնակցեն հայրենակիցների հասարակական կազմակերպությունների ներկայացուցիչներ։ -0-
