Հայաստանում օտարալեզու դպրոցների առկայությունը չի թուլացնի ազգային դպրոցը, չորեքշաբթի ասաց Մարդու իրավունքների պաշտպան Արմեն Հարությունյանը։
«Կարծում եմ, որ ազգային դպրոցներում անհրաժեշտ է խստացնել օտար լեզուների ուսուցումը և լուծել հանրապետության կրթական համակարգի խնդիրները, սակայն հետևողական կարգով»,- ասաց նա՝ մեկնաբանելով կառավարություն ներկայացված «Լեզվի մասին» օրենքում փոփոխություններ մտցնելու նախագիծը, որով առաջարկվում է 1993թ.-ին օտարալեզու դպրոցների գործունեության արգելքը հանել։
Հարությունյանը նշեց, որ հենց ինքը ռուսական կրթություն է ստացել և գոհ է դրանից։ Ըստ նրա՝ ներկայումս Հայաստանի կրթական համակարգը ավելի շատ այլ խնդիրներ ունի, և օտարալեզու դպրոցների առկայությունը բացասական չի ազդի ազգային դպրոցի որակի վրա։
«Անհրաժեշտ է մրցակցային կրթական համակարգ ստեղծել Հայաստանում, ինչի համար անհրաժեշտ է նաև օտարերկրացի մասնագետներ ներգրավել»,- ընդգծեց նա։
Օմբուսդմենի կարծիքով՝ Հայաստանի կրթական համակարգում որակյալ մասնագետների պատրաստման համար անհրաժեշտ է պահպանել նվազագույնը երեք լեզու՝ անգլերեն, հայերեն և ռուսերեն։
Հովհաննես Թումանյանի անվան Երևանի պետական տիկնիկային թատրոնի գեղարվեստական ղեկավար Ռուբեն Բաբայանն իր հերթին, նշելով հայրենական կրթական համակարգի աղետալի վիճակը, ոչ նպատակահարմար է համարել հանրապետությունում օտարլեզու դպրոցների գործունեության արգելքի հանումը։
«Անշուշտ, օտար լեզուները պետք են, անհրաժեշտ է դրանց լավ իմացությունը, մասնավորապես, դա վերաբերում է ռուսերենին և անգլերենին, քանի որ մասնագիտական գրականության մեծ մասը հրատարակվում է այդ լեզուներով։ Սակայն նաև այդ առարկաները չեն դասավանդվում պատշաճ մակարդակով»,- ասաց Բաբայանը։
Սակայն, ասաց նա, օտար լեզուների դպրոցների խնդիրը թույլ չի տալիս իշխանության ուշադրությունը կենտրոնացնել ազգային դպրոցներում գոյություն ունեցող խնդիրների վրա, մասնավորապես, հայկական դասագրքերի և ձեռնարկների որակին։
Ավելի վաղ ՀՀ Կրթության և գիտության նախարար Արմեն Աշոտյանը հայտնել էր, որ լեզվի ոլորտում և ընդհանուր կրթության մեջ արդեն մշակվել է համապատասխան օրենսդրության փաթեթը, որը թույլ կտա ներդնել օտարալեզու կրթությունը հայկական դպրոցներում՝ բուհական համակարգում արդեն գործող համակարգի նմանությամբ։
Այսօր Հայաստանում գործում է ավելի քան 1450 դպրոց, այդ թվում՝ երկու ռուսական, սակայն այդտեղ կարող են սովորել միայն Ռուսաստանի քաղաքացիները և ծագումով ոչ հայերը։ -0-
