«Գազպրոմ» խմբի ձեռնարկությունները ճգնաժամում չեն. Կրուգլով
«Գազպրոմ» խմբի ձեռնարկությունները ճգնաժամային պայմաններում չեն, Երևանում երեքշաբթի հայտարարեց «Գազպրոմ» ԲԲԸ վարչության փոխնախագահ Անդրեյ Կրուգլովը:
«Այժմ մենք կարող ենք ասել, որ Գազպրոմ խմբի ձեռնարկությունները ճգնաժամային պայմաններում չեն: Սակայն գոյություն ունի նաև դրական փորձ, զարգացման ծրագիր, և հիմնական շեշտադրումները առաջնահերթությունների վերադասավորումը, աշխատանքի հաջորդականությունը, ներքին տնտեսումը և ֆինանսական ռազմավարության համապատասխանությունն են», - լրագրողներին ասաց Կրուգլովը՝ Եվրոպական գործարար կոնգրեսի Օրենսդրության, բանկերի և ֆինանսների հանձնաժողովի նիստի շրջանակներում:
Նրա խոսքերով՝ «Լեմոն բրազերսի» սնանկության արդյունքների հայտնի դառնալուց և բաժնետոմսերի շուկայի փլուզումից հետո Գազպրոմում արդեն 2008 թ.-ին հակաճգնաժամային ծրագիր է կազմվել, որն իրականացվել է 2009 թ.-ին: Ինչպես տեղեկացրեց Կրուգլովը, ծրագիրն իրականացվել է առանց վնասի նոր հզորությունների ներմուծման համար, իսկ ներդրման ծավալները կրճատվեցին 30 տոկոսով, ինչը, սակայն, չարտացոլվեց գազի արդյունահանման ծավալի և տեղափոխման վրա:
«Մենք միջոցների ներքին պաշարներ գտանք տնտեսման համար, բանակցեցինք մատակարարների հետ գների իջեցման շուրջ, և դա իրականում դրական արդյունքներ տվեց», - տեղեկացրեց նա:
Միաժամանակ Գազպրոմի վարչության փոխնախագահը նշեց, որ ընկերության և դուստր ձեռնարկությունների ներդրումային ծրագրերը սրբագրվում են, սակայն էներգետիկայի զարգացմանն ուղղված ռազմավարական նպատակն անփոփոխ է: Ինչպես կարծում է Կրուգլովը, ճգնաժամն օգնեց Գազպրոմին հավաքվել և ավելի լավ գնահատել ուժերը, հստակեցնել ձեռնարկության համար կարևոր առաջնահերթությունները:
«Սակայն Հայաստանն ու Ռուսաստանը վակուումում չեն ապրում, նրանք համաշխարհային տնտեսական տարածքի մի մասն ենմ և այդ պատճառով հնարավոր են ծրագրերի որոշակի սրբագրումենր», - ավելացրեց նա:
«ՀայՌուսգազարդ» ՓԲԸ-ն Հայաստանի ներքին շուկայում ռուսական բնական գազի մատակարարման և տեղաբաշխման մենաշնորհային իրավունք ունի։ Ընկերությունը ստեղծվել է 1997 թ.-ին: «Գազպրոմ» ԲԲԸ-ի մասնաբաժինը ընկերության կանոնադրական կապիտալում կազմում է 80 տոկոս, Հայաստանի կառավարության մասնաբաժինը՝ 20 տոկոս:
