Հայաստանում տնտեսական աճը հունվար-մարտ ամիսներին կազմել է 5,5%

ԵՐԵՎԱՆ, 20 ապրիլի. /Նովոստի-Արմենիա/. Օպերատիվ վիճակագրական տվյալների համաձայն, Հայաստանի ՀՆԱ ծավալը հունվար-մարտին, 2009թ.-ի նույն ժամանակահատվածի համեմատ, ավելացել 5,5%-ով: Ինչպես «Նովոստի-Արմենիա» գործակալությանը տեղեկացրեցին ՀՀ Ազգային վիճակագրական ծառայությունից, ՀՆԱ ծավալը կազմել է 568,1 միլիարդ դրամ (1,4 միլիարդ դոլար):

Ըստ վիճակագրական տվյալների, 2010թ.-ի հունվար-մարտին, 2009թ.-ի նույն ժամանակահատվածի համեմատ, գրանցվել է սպառողական գների աճ՝ 8,4 տոկոսի սահմաններում: Միաժամանակ հունվար-մարտին, 2009թ.-ի դեկտեմբերի համեմատ, գրանցվել է սպառողական գների աճ՝ 2,9 տոկոսի սահմաններում:

Հունվար-մարտ ամիսներին Հայաստանում արդյունաբերական արտադրանք արտադրողների գներն ավելացել են 37,7 տոկոսով՝ 2009 թ.-ի նույն ժամանակահատվածի համեմատ:

Հաշվետու ժամանակահատվածում արտադրվել է 177,5 միլիարդ դրամի (շուրջ 450միլիոն դոլար) արդյունաբերական արտադրանք, ինչը 10,4 տոկոսով ավել է նախորդ տարվա նույն ցուցանիշից:

Հայաստանում արտաքին առևտրաշրջանառության ծավալը հունվար-մարտ ամիսների արդյունքներով կազմել է 1012,7 միլիոն ԱՄՆ դոլար (388,7 միլիարդ դրամ)՝ 2009 թ.-ի նույն ժամանակահատվածի համեմատ ավելանալով 29 տոկոսով:

Ըստ պետբյուջեի, Հայաստանում 2010 թ.-ին ՀՆԱ-ի աճը ծրագրված է 1,2 տոկոսի սահմաններում:-0-