Հայ Առաքելական եկեղեցին կտոնախմբի ազգային ականավոր գործիչ, Ամենայն Հայոց Կաթողիկոս Մկրտիչ Խրիմյանի ծննդյան 190-ամյակը

ԵՐԵՎԱՆ, 19 ապրիլի. /Նովոստի-Արմենիա/. 2010 թ. հոկտեմբերին Մայր Աթոռ Սուրբ Էջմիածինը կտոնախմբի ազգային ականավոր գործիչ, Մկրտիչ Ա Խրիմյան Ամենայն Հայոց Կաթողիկոսի ծննդյան 190-ամյակը, հաղորդում է Մայր Աթոռ Սուրբ Էջմիածնի տեղեկատվական համակարգը:

«Հոբելյանի առիթով Ամենայն Հայոց Գարեգին Կաթողիկոսի բարձր տնօրինությամբ ստեղծվել է հատուկ հանձնախումբ` ատենապետությամբ Երևանի Ս. Գրիգոր Լուսավորիչ մայր եկեղեցու հոգևոր տեսուչ Տ. Անուշավան եպիսկոպոս Ժամկոչյանի», - ասվում է տեղեկատվության մեջ:

Առաջիկա ամիսներին հանձնախումբը կքննարկի և կկազմակերպի երանաշնորհ Հայրապետի ծննդյան 190-ամյակին նվիրված մի շարք հոբելյանական միջոցառումներ:

Մկրտիչ Խրիմյանը հայ ականավոր եկեղեցական գործիչ է, Ամենայն Հայոց Կաթողիկոս (1892-1907): Նա արիաբար պաշտպանել է պետականությունից զրկված հայ ժողովրդի շահերը: 1878 թ.-ին Խրիմյանը ներկայացրել է արևմտահայերի հայացքները Բեռլինի կոնֆերանսի ժամանակ:

1895 թ.-ին Մկրտիչ Խրիմյանը Պետերբուրգում հանդիպել է Նիկոլայ Երկրորդ կայսեր հետ և խնդրագիր է ներկայացրել Արևմտյան Հայաստանում բարեփոխումներ իրականացման համար: Նա ակտիվորեն պայքարել է Ռուսական կայսրությունում 1903 թ.-ին հայկական եկեղեցու ունեցվածքի աշխարհականացման օրենքի դեմ, հայկական թեմերին արգելել է ենթարկվել այդ օրենքին: Նրա ջանքերի շնորհիվ՝ հաջողվել է հասնել օրենքի չեղյալ համարելուն:-0-