ՀՀ նախկին նախագահ Ռոբերտ Քոչարյանի՝ պետական կառավարման համակարգ վերադառնալու հարցը օրակարգում չէ, երկուշաբթի լրագրողներիին ասաց Հայ Հեղափոխական Դաշնակցության խորհրդարանական խմբակցության ղեկավար Վահան Հովհաննիսյանը։
Վերջին ժամանակներս հայկական քաղաքական շրջանակներում ակտիվացել են ՀՀ նախկին նախագահ Ռոբերտ Քոչարյանի՝ մեծ քաղաքականություն հնարավոր վերադարձի մասին լուրերը։ Նման լուրերի պատճառ են դարձել տարբեր երկրներ կատարած Քոչարյանի այցերն ու բարձր մակարդակով հանդիպումները։
«ՀՀ նախկին նախագահ Ռոբերտ Քոչարյանը չէր հեռացել քաղաքականությունից, որպեսզի նրա վերադարձը խնդիր առաջացնի։ Խոսքը ոչ թե քաղաքականություն, այլ պետական կառավարման համակարգ վերադարձի մասին է, ինչը ոմանց ուրախացնում է, իսկ ոմանց՝ ոչ։ Նման հարց չկա տվյալ պահին»,- ասաց Հովհաննիսյանը։
Ինչ վերաբերում է «Դաշնակցության» հնարավոր քայլերին՝ Քոչարյանի քաղաքականություն վերադարձի հետ հետ կապված, ապա պատգամավորը նշեց, որ ՀՅԴ-ն նման հարց չի քննարկել, առավել ևս, որ այն սուր դրված չէ օրակարգում։
Միաժամանակ, Հովհաննիսյանի կարծիքով, ցանկացած երկիր ուժեղ է վարած քաղաքականության հետևողականությամբ, որն, ըստ նրա, «կոտրվել է» Հայաստանում մեկ տարի առաջ, որի պատճառով ՀՅԴ-ն դուրս եկավ կառավարող կոալիցիայից։
«Քաղաքական ուղին, որը Դաշնակցությունը հարաբերականորեն ճիշտ էր համարում, համենայն դեպս՝ արտաքին քաղաքականությունումմ շեղում է գրանցել»,- ասաց Հովհաննիսյանը։ -0-
