Հայ ոստիկաններն իրենց տոնը Համասեռամոլների օրը չեն նշի

2011թ.-ից Հայաստանի ոստիկանությունն իր մասնագիտական տոնը չի նշի ապրիլի 16-ին, այլ մեկ ուրիշ օր, ուրբաթ ոստիկանության ստեղծման 9-ամյակին նվիրված հանդիսավոր շքերթի ժամանակ  ասաց ՀՀ Ոստիկանության պետ, գեներալ-լեյտենանտ Ալիկ Սարգսյանը։

 «Մյուս տարվանից հայ ոստիկաններն իրենց մասնագիտական տոնը կնշեն մեկ այլ օր։ Դա մեր ոստիկանության աշխատակիցների պահանջն է»,- ասաց Սարգսյանը՝ առանց հստակեցնելու Ոստիկանության տոնի նոր օրը։

Ապրիլի 16-ը համարվում է հոմոֆոբիայի դիմակայման միջազգային օրը (IDAHO)։Այդ օրն աշխարհի տարբեր երկրներում ոչ ավանդական սեռական կողմնորոշում ունեցողները բողոքի ակցիաներ և հանրահավաքներ են անցկացնում՝ ի պաշտպանություն իրենց իրավունքների պահպանման։

Ըստ Սարգսյանի, «ՀՀ Ոստիկանության մասին» օրենքն ԱԺ-ի կողմից ընդունվել է 2001թ.-ի ապրիլի 16-ին, այդ պատճառով հենց այդ օրն է հռչակվել որպես ՀՀ Ոստիկանության օր։ «ՀՀ Ոստիկանությունում ծառայում են իսկական  տղամարդիկ»,- հաստատեց նա։

Ոստիկանության ղեկավարը վստահություն է հայտնել, որ ներկայում իրենց գլխավորած գերատեսչությունում չափազանց բարձր է բարոյահոգեբանական մթնոլորտը։

«Մեծ աշխատանք է տարվել և այսօր ոստիկանությունը զարգացման նոր շրջան է մտնում... Ոստիկանության գործունեության ոլորտում բարեփոխումներ իրականացնելու ծրագիրն արդեն հավանության է արժանացել Հանրապետության ազգային անվտանգության խորհրդի կողմից և հաստատվել կառավարության կողմից։ Հայաստանի Ոստիկանությունը կգործի բոլորովին նոր օրենսդրային դաշտում»,- ընդգծեց Սարգսյանը։ -0-