ՀՀ ոստիկանության ստեղծման 9-ամյակին նվիրված Ոստիկանության աշխատակիցների հանդիսավոր շքերթն է անցկացվել ուրբաթ Երևանի Վազգեն Սարգսյանի անվան հանրապետական մարզադաշտում:
«9-րդ տարեդարձը ՀՀ ոստիկանությունը նշում է որպես ուժեղ, կայացած, իրավական կառույց», - միջոցառման ժամանակ հայտարարեց ՀՀ ոստիկանապետ, գեներալ-լեյտենանտ Ալիկ Սարգսյանը:
Նրա խոսքերով՝ ոստիկանության գործունեության հիմնաքարը օրենքի և իրավակարգի ամրապնդումն է, քաղաքացիների իրավունքների և ազատությունների պաշտպանությունը, հասարակության և պետության անվտանգության ապահովումը, հանցավորության դեմ անզիջում պայքարը:
«Հայ ոստիկանը երբեք չի նահանջել դժվարություններից, և այսօր նոր մարտահրավերներին դիմակայելու համար մենք պատրաստ ենք ամեն ինչի՝ սեփական պարտավորությունները կատարելու համար», - ասաց Սարգսյանը:
Ոստիկանապետի խոսքերով՝ ոստիկանության գործունեության ոլորտում բարեփոխումների իրագործման ծրագիրն արդեն հավանության է արժանացել ՀՀ ազգային անվտանգության խորհրդի կողմից և հաստատվել կառավարության կողմից:
«Կառուցողական միջոցներ են ձեռնարկվել հասարակության և ոստիկանության միջև կապերի ամրապնդման, հանցավորության բացահայտման մակարդակի բարձրացման գործում նոր մեթոդների ներդրման շնորհիվ: Նաև կարևոր են քայլեր են ձեռնարկվել ոստիկանության աշխատակիցների սոցիալական և իրավական անվտանգության ամրապնդման ուղղությամբ», - նշեց նա:
Միաժամանակ Սարգսյանն ավելացրեց, որ իր գլխավորած գերատեսչությունը վարում է թափանցիկ և հրապարակային քաղաքականություն, իսկ ՀՀ ոստիկանությանն առընթեր Հանրային խորհուրդը ոչ միայն հրապարակային գնահատական է տալիս գործունեությանը, այլև վերահսկում է նրա գործունեության որոշ ոլորտները:
Նա շնորհավորվել է ոստիկանության աշխատակիցներին մասնագիտական տոնի կապակցությամբ՝ մաղթելով նորանոր ձեռքբերումներ ծառայողական գործունեության մեջ:
Հանդիսավոր շքերթին մասնակցել են ՀՀ ԱԺ խոսնակ Հովիկ Աբրահամյանը, ՀՀ վարչապետ Տիգրան Սարգսյանը, ՀՀ ազգային անվտանգության խորհրդի քարտուղար Արթուր Բաղդասարյանը, ՀՀ փոխվարչապետ, տարածքային կառավարման նախարար Արմեն Գևորգյանը, ՀՀ պաշտպանության նախարար Սեյրան Օհանյանը, ՀՀ ԶՈՒ Գլխավոր շտաբի պետ, ՀՀ պաշտպանության առաջին փոխնախարար, գեներալ-գնդապետ Յուրի Խաչատուրովը, ՀՀ Ոստիկանության պետ առաջին տեղակալ, գեներալ-մայոր Հունան Պողոսյանը:-0-
