Հայրենական մեծ պատերազմը երևանյան հուշակոթողներում» խորագրով լուսանկարների ցուցահանդես է բացվել Երևանի քաղաքապետարանում:
Ինչպես «Նովոստի-Արմենիա» գործակալությանը հայտնեցին քաղաքապետարանի մամուլի ծառայությունից, ցուցահանդեսին ներկայացված է 80 լուսանկար:
Երևան քաղաքի պատմության թանգարանի տնօրեն Արմինե Սարգսյանի խոսքերով՝ ցուցադրված են նաև Երևանի թանգարանի պահոցից վերցված նյութեր:
«Այնպես որ, որոշ հուշարձանների 40 տարի առաջ արված լուսանկարները հնարավոր է պարզապես համեմատել նույն հուշարձանի վերջերս ստեղծված լուսանկարի հետ: Հուշարձանների լուսանկարներով ցուցահանդես կազմակերպելու նպատակներից մեկը դրանց նկատմամբ ուշադրություն հրավիրելն է»,- ընդգծեց նա:
Երևանի քաղաքապետարանի մշակույթի վարչության պետ Էլեոնորա Թումանյանն էլ ընդգծեց ցուցահանդեսի ճանաչողական նշանակությունը. ցուցահանդեսը նախատեսված է աշակերտների ու քաղաքացիների համար:
Երևանի պատմության թանգարանի ցուցասրահում բացված ցուցահանդեսն այցելուներին կներկայացվի մինչև մայիսի 5-ը:--0--
