Հայաստանի կառավարությունը կանի հնարավորը հայ-ռուսական նախագծերի իրականացման համար. վարչապետ

ՀՀ կառավարությունը կանի հնարավորը հայ-ռուսական համատեղ նախագծերը կյանքի կոչելու համար, հինգշաբթի ԱՊՀ երկներում ՌԴ նախագահի հատուկ ներկայացուցիչ, Ռուսաստանի Դաշնությունում ԱՊՀ պետությունների գործերով, արտերկրում բնակվող հայրենակիցների եւ միջազգային հումանիտար համագործակցության հարցերի Դաշնային գործակալության ղեկավար  Ֆարիդ Մուխամետշինի գլխավորած պատվիրակության հետ հանդիպման ժամանակ ասաց ՀՀ վարչապետ Տիգրան Սարգսյանը:

Ինչպես կառավարության մամուլի ծառայությունից հաղորդեցին «Նովոստի-Արմենիա» գործակալությանը, հանդիպման ընթացքում Ֆարիդ Մուխամետշինը վարչապետին տեղեկացրել է, որ իրենք Հայաստանում են Ինովացիոն համագործակցության ռուս-հայկական կենտրոնի բացմանը և «Հայաստանում ինովացիոն համագործակցության ռուս-հայկական  կենտրոնի» հիմնադիր համաժողովին մասնակցելու նպատակով:

Նա նշել է, որ կենտրոնի գործունեության հիմնական նպատակը երկու երկրների ինտեգրացիոն գործընթացների օժանդակումն է` ինովացիոն բաղադրիչի ամրապնդման և ընդլայնման միջոցով:

Նորաբաց կենտրոնի աշխատանքները Հայաստանում իրականացվելու են երկու ուղղություններով` կրթական (աշակերտների և ուսանողների համար) և գիտական:

Զրուցակիցները նաև անդրադարձել են Երևանի Ա.Պուշկինի անվան  դպրոցում արդեն մեկնարկած պիլոտային ծրագրին: -0-