ԵԽԽՎ-ում Ադրբեջանի և Հայաստանի խորհրդարանական պատվիրակությունների ղեկավարները հադիպում կունենան ապրիլին

Ապրիլին ԵԽԽՎ-ում կկայանա Ադրբեջանի և Հայաստանի խորհրդարանական պատվիրակությունների ղեկավարներ Սամեդ Սեիդովի և Դավիթ Հարությունյանի հանդիպումը, ասաց ԵԽԽՎ նախագահ Մևլյութ Չավուշօղլուն։

 «Հանդիպումը կկայանա ընթացիկ տարվա ապրիլին։ Դրա ընթացքում կքննարկվի Ղարաբաղյան հարցով ենթահանձնաժողովի վերստեղծման հարցը, որից հետո անմիջականորեն կստեղծվի հենց Ենթահանձնաժողովը»,- Բաքվում չորեքշաբթի լրագրողներին ասաց Չավուշօղլուն, հաղորդում է «Նովոստի-Ադրբեջան» գործակալությունը։

Ըստ նրա՝ իրենք նաև հանդիպում կանցկացնեն Ադրբեջանի և Հայաստանի պատվիրակությունների հետ և կքննարկեն Լեռնային Ղարաբաղի հարցով Ենթահանձնաժողովի գործունեության վերսկսումը։

 «Նախևառաջ մենք ուզում ենք, որ այդ հարցի որոշման մեջ  ներգրավվի խորհրդարանական դիվանագիտությունը»,- ընսգծեց Չավուշօղլուն։

ԵԽԽՎ նախագահը նշեց, որ տվյալ հարցը ներառվել էր ԵԽԽՎ Բյուրոյի մարտի նիստի օրակարգում։

«Սակայն հաշվի առնելով, որ այն ժամանակ (ԵԽԽՎ Բյուրոյի նիստի ընթացքում)  ներկայացված չէին բոլոր կողմերը՝ ԵԽԽՎ-ում Հայաստանի պատվիրակության ղեկավար Դավիթ Հարությունյանը չի մասնակցել միջոցառումներին, հարցը չի քննարկվել»,- ասաց նա։

Լեռնային Ղարաբաղի հարցով ԵԽԽՎ ենթահանձնաժողովը դադարեցրել է գործունեությունը՝ կապված կառույցի նախագահ Լորդ Ռասսել Ջոնսթոնի մահված հետ։ -0-