Լեռնային Ղարաբաղի հակամարտության արդյունքում անհայտ կորածների ցուցակը այսօր կազմում է 4,5 հազար մարդ, երեքշաբթի մամուլի ասուլիսի ժամանակ հայտնեց Կարմիր խաչի միջազգային կոմիտեի հաղորդակցման ծրագրերի ղեկավար Աշոտ Աստաբացյանը:
«Անհայտ կորածների ընդհանուր ցուցակը կազմում է 4,5 հազար մարդ՝ 401-ը Հայաստանից, 457-ը Լեռնային Ղարաբաղից, 3697-ը Ադրբեջանից. 10 մարդ այլ ազգերի ներկայացուցիչներ։
Ըստ նրա՝ ԿԽՄԿ-ն սկսել է անհայտ կորածների ցուցակի ուսումնասիրությունը Հայաստանում, Ադրբեջանում և Լեռնային Ղարաբաղում սկսած այն օրվանից, երբ 1992թ.-ին Հայաստանում հիմնվեց գրասենյակը։
Նա նշեց, որ ԿԽՄԿ կազմել է անհայտ կորածների համապատասխան ցուցակները, որոնք քննարկվել և ներկայացվել են իշխանություններին 1995թ., 1997թ. և 2004թ.-ին:
Աստամբացյանը հայտնեց, որ հայ կամավորների օգնությամբ ԿԽՄԿ Հայաստանի 11 մարզերից տվյալներ է հավաքել՝ ներառված Երևանը, 323 անհայտ կորած ընտանիքներից։ Ըստ նրա՝ տվյալները պարունակում են լուսանկարներ, անհայտ կորածների ֆիզիկական նկարագրություններ, անհետացման պահին նրանց հագուստների և անձնական իրերի նկարագրություն։
Բացի տվյալներ հավաքելուց Աստամբացյանը նշեց ազգային օրենսդրության ստեղծման կարևորությունը անհայտ կորածների ընտանիքների իրավուքների պաշտպանության մասին։ Նա ասաց, որ այդ նպատակով ստեղծվել է միջգերատեսչական հանձնաժողով, որը կոչ է արել մշակել ազգային օրենսդրությունը։ Այդ աշխատանքում մասնակցություն կունենա ԿԽՄԿ-ն։
Աստամբացյանը հայտնեց, որ անհայտ կորածների ընտանիքները սոցիալական, հոգեբանական և տնտեսական բնույթին հատուկ խնդիրներ ունեն։ Տվյալ հարցի շուրջ ԿԽՄԿ մասնագետները Հայաստանի բոլոր մարզերում հետազոտություններ անցկացրեցին, որին մասնակցեց 104 ընտանիք։ Նա հաղորդեց, որ տվյալ պահին աշխատանքներ են տարվում հավաքած նյութի շուրջ, և շուտով տվյալները կհրատարակվեն։ --0--
