Հայաստանում օդի ջերմաստիճանն աստիճանաբար կսկսի բարձրանալ

Ապրիլի 14-ից սկսած Հայաստանում օդի ջերմաստիճանն աստիճանաբար կսկսի բարձրանալ, այսօր հայտնեց Հայհիդրոմետծառայության Օպերատիվ հիդրոօդերևութաբանության կենտրոնի  ղեկավար Զարուհի Պետրոսյանը։

«Վաղվանից սկսած հանրապետությունում օդի ջերմաստիճանն ստւճանաբար կսկսի բարձրանալ, 4 օրվա ընթացքում այն կբարձրանա 6-7 աստիճանով, ապրիլի 17-18-ին Արարատյան դաշտավայրում կհասնի 23-24 աստիճանի ըստ Ցելսիուսի, իսկ լեռնային շրջաններում՝ մինչև 15-17 աստիճան տաքության»,- ասաց նա։

Դրա հետ մեկտեղ Պետրոսյանը նշեց, որ ապրիլի 13-ի օրվա 2-րդ կեսին հանրապետությունում սպասվում է անձրև, հնարավոր է կարկուտ՝ քամու 18-22մ/վ արագությամբ։

Սակայն, ըստ նրա՝ արդեն գիշերը եղանակը կպարզվի և օդի ջերմաստիճանը լեռնային շրջաններում կնվազի մինչև մինուս 3 աստիճան ըստ Ցելսիուսի՝ տատանվելով մինուս 3-ից պլյուս 2-ի միջև, իսկ Արարատյան դաշտում՝ մինչև 3-4 աստիճան տաքության։

Ընդհանուր առմամբ, ըստ Պետրոսյանի, այս տարի գարունը բավականին տաք կլինի, տեղումները նորման չեն գերազանցի։ «Բավականին տաք ձմռանը փոխարինում է ոչ այնքան ցուրտ գարունը»»,- ասաց նա։

Պետրոսյանը նաև նշեց, որՀայաստանում վերջին մի քանի օրերի տեղումները հեղեղումներ չառաջացրեցին, քանի որ լեռնային շրջաններում տեղումները ձյան տեսքով են եղել։ -0-