Հայրենական պատերազմի 65 ամյակը տոնելու ծրագրում ավելի քան 20 միջոցառում է ներառված. պատգամավոր

ՀՀ վարչապետ Տիգրան Սարգսյանի գլխավորությամբ կառավարական հանձնաժողովի կողմից հաստատված Մեծ հաղթանակի 65-ամյակը տոնելու ծրագիրը ավելի քան 20 միջոցառում է ներառում, ասաց ՀՀ ԱԺ պատգամավոր, Տնտեսական հարցերի հանձնաժողովի անդամ Հերմինե Նաղդալյանը:

«Այդ միջոցառումների հետ մեկտեղ մեծ ուշադրություն է հատկացվել ՀՄՊ-ի մասնակից՝ հայ զինվորի սխրագործության հավերժացմանը»,- ասաց նա երկուշաբթի «Նովոստի» միջազգային մամուլի կենտրոնում կայացած Մոսկվա-Մինսկ-Կիև-Քիշնև-Երևան՝ «Մեր ընդհանուր հաղթանակը. Հայրենական Մեծ պատերազմ՝ պատմական հիշողություն և ժամանակակից հասարակություն» թեմայով տեսակամուրջի ընթացքում։

Ըստ Նաղդալյանի, շատ միջոցառումներ կապված կլինեն գրքերի հրատարակման և տպագրական արտադրանքի, պաստառների ցուցահանդեսների, արխիվային նյութեր ներկայացնելու հետ:

«Կկազմակերպեն հանդիպումներ, վետերանների մասնակցությամբ համերգներ, միջոցառումներ դպրոցներում, բուհերում և ռազմական վայրերում, վետերաններին շքանշաններով և այլ մրցանակներով պարգևատրում»,- ասաց նա:

Պատգամավորը նաև նշեց, որ խորհրդարանի նախկին նիստում որոշում է ընդունվել, որ վետերաններն առանց հերթի հատուցում կստանան ԽՍՀՄ-ի Խնայբանկում սառեցված ավանդների համար:

ՀՀ ԱԺ-ն ապրիլի 8-ին 2-րդ և վերջնական ընթերցմամբ ընդունեց օրինագիծ՝ «2010թ.-ի Հայաստանում պետբյուջեի մասին» օրենքում փոփոխություններ մտցնելու մասին, որի համաձայն Հաղթանակի 65-ամյակի կապակցությամբ ծրագրվում է Մեծ Հայրենական պատերազմի վետերաններին առանց հերթի հանձնել մոտ $2-2,2 մլն (800-900 մլն դրամ) չափով գումար՝ «սառեցված» խորհրդային ավանդների համար:

«Բացի այդ, Երևանի քաղաքապետարանն անցած շաբաթ որոշում ընդունեց ՀՄՊ-ի վետերաններին ազատել անշարժ գույքի հարկերից»,- պարզաբանեց Նաղդալյանը:

Ներկայում Հայաստանում 3760 վետերան կա: -0-