2010թ.-ին Հայաստանում ՃՏՊ-ների զոհերի թիվը նվազել է 18-ով. Ճանապարհային ոստիկանություն

Ապրիլի 12-ի դրությամբ, 2009թ.-ի նույն ժամանակահատվածի համեմատ, Հայաստանում ՃՏՊ-ների զոհերի թիվը նվազել է 18-ով, երկուշաբթի լրագրողներին հաղորդեց ՀՀ ՃՈ ճանապարհապարեկային ծառայության գնդապետ Նորիկ Սարգսյանը:

«Այսօրվա դպրությամբ վիճակագրությունը լավն է: Եվ մեր հիմնական նպատակն է ՃՏՊ-ների զոհերի քանակը նվազագույնի հասցնելը»,- հայտարարեց Սարգսյանը:

Ըստ նրա տվյալների, 2010թ.-ին տեղի է ունեցել ՃՏՊ-ի 431 դեպք, որի հետևանքով զոհվել է 57 մարդ, իսկ 615-ը վնասվածքներ են ստացել: Գրանցվել է ճանապարհային երթևեկության խախտման 192 հազար դեպք, այդ թվում նաև 11,6 հազար՝ հետիոտների կողմից:

Սարգսյանը հայտնեց, որ անցած տարի ՃՏՊ-ի հետևանքով զոհվել է 82 մարդ, Ճանապարհային ոստիկանության լավ աշխատանքի վկայությունն է այդ ցուցանիշի 30-40-ով նվազումը:

Ճանապարհապարեկային ծառայության պետը նաև նշեց, որ 2010թ.-ի ապրիլից  ՃՈ-ը, բացի անվտանգության ամրագոտիների ամրացման և հետիոտների երթևեկության կանոնների պահպանման ավելի վաղ սկսած պայքարից, որոշակի ուշադրություն է սկսել դարձնել ղեկին գտնվող վարորդների ծխելուն, բջջային հեռախոսով խոսելուն, ինչպես նաև մեքենայից զանազան առարկաների դուրս նետմանը:

Ըստ նրա, այդ օրերի ընթացքում ճանապարհային ոստիկանությունը  տրանսպորտային միջոցներից զանազան առարկաներ դուրս նետելու համար 51 վարորդի է տուգանել, իսկ 17 վարորդ տուգանվել է հասարակական տրանսպորտում ծխելու համար: -0-