ՀՀ ԱԺ խոսնակը ցավակցական ուղերձ է հղել ավիավթարի կապակցությամբ, որում զոհվել է Լեհաստանի նախագահը

ՀՀ ԱԺ նախագահ Հովիկ Աբրահամյանը ցավակցական ուղերձ է հղել Լեհաստանի Սեյմի մարշալ Ն.Գ. Բրոնիսլավ Կոմորովսկուն, հաղորդում է Հայաստանի Ազգային Ժողովի մամուլի ծառայությունը։

«Խորապես ցնցված ենք Լեհաստանի նախագահի օդանավի աղետալի անկման գույժից, որին զոհ են գնացել նախագահ Լեխ Կաչինսկին, նրա տիկինը 7 ուղեկցող բոլոր անձինք: Լեհաստանի համար այս ծանր պահին Հայաստանի Ազգային ժողովի և իմ անունից ցավակցություն ու եղբայրական զորակցություն եմ հայտնում այս ողբերգությանն առնչվող բոլոր ընտանիքներին ու նրանց մերձավորներին, ողջ լեհ ժողովրդին: Խաղաղություն այս աղետի բոլոր զոհերի հոգիներին»,- ասվում է հայկական խորհրդարանի ցավակցական հեռագրում։

Շաբաթ օրը Սմոլենսկի մարզի Պեչորսկի ծայրամասում Սևերնի օդանավակայանում վայրէջքի պատրաստվելիս ուժեղ մառախուղի պայմաններում վթարի է ենթարկվել Լեհաստանի նախագահի Տու-154 ինքնաթիռը: Ինքնաթիռում 132 մարդ է եղել, որոնց թվում՝ նախագահն ու իր կինը։ -0-