Հայաստանի լեզվի պետական տեսչությունը մեկ ամսվա ընթացքում լեզվի գործածության պահանջները խախտելու 500 դեպք է հայտնաբերել
Լեզվի պետական տեսչությունը մեկ ամսվա ընթացքում Երևանում լեզվի գործածության պահանջների խախտման 500 դեպք է հայտնաբերել, հինգշաբթի մամուլի ասուլիսի ժամանակ ասաց պրոֆեսոր, բանասիրական գիտությունների դոկտոր, Լեզվի պետական տեսչության պետի պաշտոնակատար Սերգո Երիցյանը:
«Խախտումները թույլ են տրվել որոշ տնտեսվարող սուբյեկտների ցուցանակների և գովազդային վահանակների վրա»,- ասաց Երիցյանն՝ ավելացնելով, որ խախտումները վերաբերվում են օտար լեզվով գրված այն անվանումներին՝ առանց հայերեն համարժեքների:
Դրա հետ կապված՝ նա նշեց, որ տվյալ տնտեսվարող սուբյեկտներին նամակներ կուղարկվեն՝ համապատասխան փոփոխություններ մտցնելու խնդրանքով, իսկ դրանք չկատաչելու դեպքում դատական հայց կներկայացվի:
Երիցյանը նաև ասաց, որ հայոց լեզվի օգտագործման խախտման բերում է «Լեզվի մասին» օրենքի հակասությունը մյուս օրենքների հետ:
«Լեզվի տեսչության շատ խնդիրներ չեն լուծվում, որովհետև «Լեզվի մասին» օրենքում գոյություն ունեն լուրջ անհամապատասխանություններ մյուս օրենքների հետ, որոնք ավելի ուշ են ստեղծվել»,- ասաց Երիցյանը:
Երիցյանը, մասնավորապես, նշեց «Գովազդի մասին» և «Առևտրային նշանների մասին» օրենքները:
«Ստացվում է այնպես, որ մի կողմից մենք մեր պետական լեզուն ենք պահպանում, իկս մյուս կողմից «Գովազդի մասին» օրենքի 5-րդ հոդվածի համաձայն՝ բացառություններ ենք անում՝ ասելով, որ առևտրային նշաններն ու մակնշումը այդ խմբի մեջ չեն մտնում»,- ասաց նա:
Երիցյանի կարծիքով՝ տվյալ խնդրի ավելի էֆեկտիվ որոշումը «ԼԵզվի տեսչության մասին» օրենքի ստեղծումն է, ինչպես նաև մի շարք օրենքներում և ենթաօրենսդրական ակտերում փոփոխություններ և ավելացումներ մտցնելը, մասնավորապես, «Լեզվի մասին», «Գովազդի մասին», «Հեռուստատեսության և ռադիոյի մասին», «Ապրանքանշանների ծագման մասին» օրենքներում: -0-
