Երևանի երկաթուղային կայարանում սկսվել են վերանորոգման աշխատանքները, չորեքշաբթի «Նովոստի-Արմենիա» գործակալությանը տեղեկացրեցին «Հարավկովասյան երկաթուղի» ՓԲԸ մամուլի ծառայությունից:
Տեղեկատվության համաձայն՝ աշխատանքների ընթացքում կվերանորոգվի կայարանի շենքի ներսը և կփոխարինվեն կոմունիկացիաները:
2009 թ.-ի համեմատ ուղևորահոսքի 53 տոկոս ավելացման կապակցությամբ ծրագրվում է կայարանի սրահները բաժանել միջազգայինի և միջքաղաքայինի, ինչպես նաև տեղադրել լրացուցիչ տոմսարկղեր: Դա թույլ կտա խուսափել տոմսարկղերի մոտ գոյացող հերթերից և ավելի հարմարավետ պայմաններ կստեղծի տարբեր ուղղություններով տոմսեր ձեռք բերելու համար:
Կայարանի շենքում կկառուցվեն հյուրանոցային համարներ ինչպես երկաթուղու աշխատակիցների, այնպես էլ միջազգային ուղղություններով երթևեկող ուղևորների համար: Կվերանորոգվեն նաև երկաթուղային պլատֆորմները:
«Հայկական երկաթուղիների» կոնցեսիոն կառավարումն իրականացնում է «ՀԿԵՈՒ» ՓԲԸ-ն՝ «Ռուսական երկաթուղիներ» ԲԲԸ հարյուրտոկոսանոց դուստրը: ՀԿԵՈՒ-ն իր բալանսում ընդունել ՀԵՈՒ շարժակակազմը 2008թ. հունիսի մեկից՝ «Հայկական երկաթունիներ» պետական ՓԲԸ-ն 30 տարի ժամկետով փոխանցման, կողմերի փոխադարձ համաձայնությամբ ևս 10 տարի երկարացման իրավունքով 2008թ. փետրվարի 13-ի կոնցեսիոն պայմանագրին համապատասխան։--0--
