Հայաստանում 2010 թ.-ի հունվար-փետրվարին կոնյակի արտադրությունն ավելացել է 3,1 տոկոսով

ԵՐԵՎԱՆ, 2 ապրիլի. /Նովոստի-Արմենիա/. Հայաստանում 2010 թ.-ի հունվար-փետրվարին կոնյակի արտադրությունն ավելացել է 3,1 տոկոսով:

«Նովոստի-Արմենիա» գործակալությանը տրամադրված ՀՀ Ազգային վիճակագրական ծառայության տվյալներով` 2010 թ.-ի առաջին երկու ամսվա ընթացքում երկրում արտադրվել է 1702,6 հազար լիտր կոնյակ, ինչը 3,1 տոկոսով ավելի է 2009 թ.-ի հունվար-փետրվարի ցուցանիշից:

Միաժամանակ երկրում արտադրվել է 60,53% -ով պակաս օղի (673,3 հազար լիտր):

Հաշվետու ժամանակահատվածում գինու արտադրության աճ է գրանցվել 33,6%-ով՝ հասնելով 574,9 հազար լիտրի, իսկ գարեջուր արտադրվել է 956,1 հազար լիտր՝ 2009 թվականի հունվա-փետրվարի 544,8 հազար լիտրի դիմաց:

Շամպայն գինիների արտադրությունը կազմել է 29,4 հազար լիտր, ինչը 94,7% ավելի է 2009 թ.-ի հունվար-փետրվարի ցուցանիշից:

Միաժամանակ վիճակագրական տվյալների համաձայն՝ ոչ ալկոհոլային խմիչքների արտադրությունը (լիմոնադներ, գազավորված ու էներգետիկ ըմպելիքներ և այլն) Հայաստանում կրճատվել է 7%՝ հասնելով 3803,4 մլն լիտրի։-0-