Շվեյցարացի երաժիշտները «Քսանմեկի հեռանկարներ» երաժշտական 11-րդ փառատոնի շրջանակներում Երևանում կներկայացնեն «Convergence» ծրագիրը

Շվեյցարացի երաժիշտները «Քսանմեկի հեռանկարներ» երաժշտական 11-րդ փառատոնի շրջանակներում ուրբաթ Երևանում կներկայացնեն «Convergence» ծրագիրը, հինգշաբթի լրագրողներին տեղեկացրեց «Pre art» կազմակերպության ղեկավար Մաթիաս Արտերը:

««Convergence» ծրագիրը ստեղծվել է տարբեր երկրների երիտասարդ կոմպոզիտորների աշխատանքների հիման վրա: Լավագույն ստեղծագործություններն ընտրել է «Pre art» կազմակերպությունը, դրանք անանուն էին, և պարտիտուրայից հնարավոր չէր հասկանալ որևէ մեկի ազգությունը»,- ասաց Արտերը:

Նրա խոսքերով՝ «Convergence» երաժշտական ծրագրի հիմնական նպատակը երիտասարդ կոմպոզիտորների տաղանդի իրացումն է և նրանց միջազգային ճանաչումը:

«Pre art» կազմակերպության ղեկավարի խոսքերով՝ ծրագրի «Convergence» անվանումը նշանակում է «փոխըմբռնում»։ Նա ավելացրեց, որ այդ ծրագիրը նույնիսկ ոչ շատ բարեկամական տրամադրված երկրների արվեստի մարդկանց հնարավորություն է ընձեռում հանդիպել մեկ սեղանի շուրջ։

Համերգում շվեյցարացի երաժիշտների կատարմամբ կհնչեն, մասնավորապես, երիտասարդ կոմպոզիտորներ Արման Ղուշչյանի, Արամ Հովհաննիսյանի, Արթուր Աքշելյանի, Դարիա Անդովսկայայի, Արթուր Ավանեսովի ստեղծագործությունները։

Ծրագրի շրջանակներում կհնչի նաև կոմպոզիտոր, արվեստի վաստակլավոր գործիչ և «21-ի հեռանկարներ» փառատոնի կազմակերպիչ Ստեփան Ռոստոմյանի ստեղծագործությունը։

«Քսանմեկի հեռանկարներ» երաժշտական 11-րդ միջազգային փառատոնն անցկացվում է Հայաստանի նախագահ Սերժ Սարգսյանի բարձր հովանու ներքո՝ Հայաստանի մշակույթի նախարարության գործընկերությամբ։ -0-