Հայաստանում պետք է բարենպաստ պայմաններ ստեղծվեն Իրանից զբոսաշրջային հոսքերի ավելացման համար. վարչապետ

ԵՐԵՎԱՆ, 1 ապրիլի. /Նովոստի-Արմենիա/. Հայաստանում պետք է բարենպաստ պայմաններ ստեղծվեն Իրանից զբոսաշրջային հոսքերի ավելացման համար, հինգշաբթի կառավարության նիստում հայտարարեց Հայաստանի վարչապետ Տիգրան Սարգսյանը։

Մահմեդական Նովրուզ Բայրամ տոնի առիթով Հայաստանում արձանագրվել է Իրանից զբոսաշրջիկների մեծ հոսք։ Փորձագետների գնահատականներով՝ վերջին ամսվա ընթացքում Իրանից Հայաստան է ժամանել շուրջ 15-20 հազար զբոսաշրջիկ։

«Մենք պետք է այնպիսի մթնոլորտ ձևավորենք Իրանից զբոսաշրջային հոսքերի համար, որպեսզի ծավալներն ամեն տարի աճեն»,- ասաց Սարգսյանը։

Ըստ նրա՝ զբոսաշրջային այցերը դրական ազդեցություն են ունենում Հայաստանի զբոսաշրջային ոլորտի զարգացման և տնտեսության ակտիվացման վրա։

Այդ կապակցությամբ վարչապետը կարևորել է ուշադրությունը սահմանում, որպեսզի հերթեր չգոյանան մաքսակետերում, ինչպես նաև երկրի ներսում զբոսաշրջության զարգացման համար ավելի նպաստավոր պայմանների ստեղծման անհրաժեշտությունը։

Իր հերթին Հայաստանի Ոստիկանապետ Ալիկ Սարգսյանը նշեց, որ դեպի Հայաստան Իրանի քաղաքացիների հոսքի առիթով կարգի խախտման լուրջ դեպքեր չեն գրանցվել։

«Եղել է միայն մի քանի խախտում, որոնք արձանագրվել են սահմանված կարգով։ Ընդհանուր առմամբ իրավիճակը վերահսկվում է Ոստիկանության ղեկավարության կողմից»,- ասաց Սարգսյանը։ -0-