ԱՄՆ Կոնգրեսը Հայոց ցեղասպանության մասին որևէ բանաձև չի ընդունի. Հայաստանի ԱԳն նախկին ղեկավար

ԵՐԵՎԱՆ, 31 մարտի. /Նովոստի-Արմենիա/. ԱՄՆ Կոնգրեսը Հայոց ցեղասպանության մասին որևէ բանաձև չի ընդունի, չորեքշաբթի լրագրողներին ասաց Հայաստանի ԱԳՆ նախկին ղեկավար, ընդդիմադիր ՀՀՇ ներկայացուցիչ Ալեքսանդր Արզումանյանը։

«Օբաման չի օգտագործի «ցեղասպանություն» տերմինը, Կոնգրեսը չի ընդունի որևէ որոշում Հայոց ցեղասպանության վերաբերյալ»,- ասաց Արզումանյանը՝ հավելելով, որ լավ հարաբերությունների պահպանումը Թուրքիայի հետ բխում է ԱՄՆ ազգային շահերից։

Հայ ժողովրդին Հայոց ցեղասպանության զոհերի հիշատակի օրվա կապակցությամբ ավանդական ուղերձում ԱՄՆ նախագահ Բարաք Օբաման 2009 թվականին չօգտագործեց «ցեղասպանություն» բառը։ Դրա փոխարեն նա օգտագործեց «մեծ եղեռն» արտահայտությունը՝ հենց այսպես են Հայաստանում անվանում 1915-1923 թվականների Ցեղասպանությունը։

Մարտի 4-ին ԱՄՆ Կոնգրեսի արտաքին հարաբերությունների հանձնաժողովում ընդունվեց Առաջին համաշխարհային պատերազմի տարիներին Օսմանյան կայսրությունում Հայոց ցեղասպանությունը ճանաչող բանաձևը:

1915-1923 թթ. Հայոց ցեղասպանությունը XX դարի առաջին ցեղասպանությունն է, որը կազմակերպել և ծրագրված իրականացրել է երիտթուրքական կառավարությունը։ 1915-1923 թթ.-ին Թուրքիայում Հայոց ցեղասպանության փաստի ճանաչումը սկզբունքային նշանակություն ունի հայ ժողովրդի համար, քանի որ Ցեղասպանությունն իրականացվել է՝ Հայկական հարցը փակելու նպատակով։

Հայոց ցեղասպանության փաստը ճանաչել են բազմաթիվ երկրներ, մասնավորապես, Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, Գերմանիան, Հոլանդիան, Սլովակիան, Շվեդիան, Շվեյցարիան, ԱՄՆ 42 նահանգներ, ինչպես նաև Հունաստանի, Կիպրոսի, Արգենտինայի, Բելգիայի, Ուելսի խորհրդարանները, Կանադայի խորհրդարանի համայնքների պալատը և Լեհաստանի սեյմը, Վատիկանը, Եվրախորհդարանը, Եկեղեցիների համաշխարհային խորհուրդը։ -0-