ՌԴ-ին բաժին է ընկել Հայաստանի 2010 թվականի հունվար-փետրվարի արտաքին առևտրաշրջանառության 22 տոկոսը

ՌԴ-ին բաժին է ընկել Հայաստանի 2010 թվականի հունվար-փետրվար ամիսների արտաքին առևտրաշրջանառության 22 տոկոսը,  «Նովոստի-Արմենիա» գործակալությանը հաղորդեցին ՀՀ ազգային վիճակագրական ծառայությունից։

Վիճակագրության տվյալների համաձայն` այս ցուցանիշն ամենաբարձրն է Հայաստանի առևտրային գործընկեր-երկրների մեջ։ Ընդհանուր առմամբ, Հայաստանի արտաքին առևտրաշրջանառության 28,6%-ը բաժին է ընկել ԱՊՀ երկրներին, իսկ 33,8 %-ը՝ ԵՄ երկրներին։

2009թ. երկու ամիսների արդյունքներով՝ Ռուսաստանի հետ Հայաստանի առևտրաշրջանառությունն աճել է 5%-ով՝ 2009 թվականի հունվար-փետրվարի համեմատ և կազմել 137,2 մլն ԱՄՆ դոլար։

Ընդ որում, Հայաստանից դեպի Ռուսաստան արտահանման ծավալն ընթացիկ տարում կազմել է 16,3 մլն դոլար (Հայաստանից ընդհանուր արտահանման 13,4%-ը)՝ 19,1%-ով աճելով 2009թ. հունվար-փետրվարի ամիսների համեմատությամբ։

Հայաստան ներկրված ռուսական արտադրության ապրանքների ծավալը հաշվետու ժամանակաշրջանում կազմել է 120,9 մլն դոլար՝ աճելով 3,3%-ով։ Միաժամանակ, ՌԴ տարածքից ներմուծման ծավալը կազմել է 102 մլն դոլար (աճ 11 տոկոսով) կամ ներմուծման ընդհանուր ծավալի 20,2 %-ը։

2010թ. հունվար-փետրվար ամիսներին Հայաստանի արտաքին առևտրաշրջանառության ընդհանուր ծավալն աճել է 22,5% -ով 2009թ. նույն ժամանակահատվածի համեմատ և կազմել 625,2 մլն դոլար։ Միաժամանակ, արտահանման ծավալը կազմել է 121,4 մլն դոլար, իսկ ներմուծման ծավալը՝ 503,8 մլն դոլար։ --0—