Ռուսաստանի և ԱՊՀ երկրների ծրագրային ապահովման խոշորագույն մատակարար MONT ընկերությունը ներկայացուցչություն կբացի Հայաստանում:
Ինչպես երկուշաբթի «Նովոստի-Արմենիա» գործակալությանը հայտնեցին ընկերության մամուլի ծառայությունից, նոր ներկայացուցչության պաշտոնական շնորհանդեսը, որի բացումը ընկերության բիզնեսի զարգացման գլոբալ ռազմավարության մի մասն է, տեղի կունենա մարտի 30-ին Երևանում:
Բացմանը ներկա կլինեն MONT ընկերությունների խմբի նախագահ Դմիտրի Մոսկալյովը, բիզնեսի զարգացման փոխնախագահ Իվան Երմակովը, մասնաճյուղերի հետ աշխատանքի տնօրեն Ալեքսանդր Գուշինը, MONT Հայաստանի գլխավոր տնօրեն Ռուբեն Եսայանը:
Ծրագրվում է, որ շնորհանդեսին կմասնակցի ՀՀ էկոնոմիկայի նախարար Ներսես Երիցյանը, տրանսպորտի և կապի փոխնախարար Վալտեր Մարությանը, փոխվարչապետ, տարածքային կառավարման նախարար Արմեն Գևորգյանը, բանկերի, տեղեկատվական տեխնոլոգիաների ոլորտում գործող առաջատար ընկերությունների ղեկավարները:
«Հայաստանում ներկայացուցչության բացումը մեր բիզնեսի զարգացման համար կարևոր փուլ է: Ծրագրային ապահովման խոշորագույն մատակարարների հետ մեր համագործակցության բազմամյա փորձը, դիլերական ցանցի արդյունավետ զարգացման պրակտիկան, ձևավորված կորպորատիվ մշակույթը կնպաստեն Հայաստանում ծրագրային ապահովման շուկայի զարգացմանը: Մենք համոզված ենք հաջողության մեջ», - ասել է MONT ընկերությունների խմբի նախագահ Դմիտրի Մոսկալյովը:
Հայաստանում MONT-ը տարածում է Microsoft, Symantec, Abby, ADOBE, ESET, «Կասպերսկու լաբորատորիայի» և շատ այլ այն մատակարարների ծրագրային արտադրանքը, որոնց հետ աշխատում է MONT ընկերությունների խումբը:
«MONT ընկերության ներկայացուցչությունը Հայաստանում պատրաստ է իրագործել ընկերության հիմնական կորպորոտիվ սկզբունքները` գործընկերների համար աշխատանքի առավելագույն հարմարավետության ապահովում, պատվերների օպերատիվ մշակում, ամենակարճ ժամկետներում մատակարարման իրականացում», - ասվում է տեղեկատվության մեջ:
MONT-ի դիլերական ցանցը ներառում է 4000-ից ավելի ընկերություններ և ընդգրկում է Ռուսաստանի և ԱՊՀ երկրների տարածքները: Ընկերության մասնաճյուղերն ու ներկայացուցչություններն աշխատում են Ռուսաստանի 20 քաղաքներում, ինչպես նաև Ալմատայում, Աստանայում, Բաքվում, Բիշքեկում, Կիևում և Թբիլիսիում:
MONT-ը ծրագրային ապահովման արտադրության համաշխարհային առաջատարների՝ ABBYY-ի, Acronis-ի, Adobe Systems-ի, Agnitum-ի, ASP Linux-ի, Autodesk-ի, CA-ի, Check Point-ի, Corel Corporation-ի, Crossbeam Systems-ի, Embarcadero Technologies-ի, Entensys-ի, ESET-ի, F5-ի, GFI-ի, IBM-ի, McAfee-ի, Microsoft-ի, Oracle-ի, Parallels-ի, Red Hat-ի, RSA Security-ի, Symantec-ի, Trend Micro-ի, VMware-ի, Ասկոնի, «Դոկտոր Վեբի», «Կասպերսկու լաբորատորիայի», ՊՐՈՄՏ-ի, «Սմարթ-Սոֆթի» պաշտոնական դիստրիբյուտորն է:
MONT-ի հետ համագործակցությունը հնարավոր է այնպիսի ուղղություններով, ինչպիսիք են` համակարգչային տեխնիկայի արտադրողների համար ծրագրային ապահովման ОЕМ տարբերակների մատակարարումը, կորպորատիվ լիցենզիաների, պերիֆերիկ սարքավորումների և աքսեսուարների մատակարարումը:-0-
