Հայաստանցի երեխա է մահացել Ֆրանսիայի հիվանդանոցում

Քաղցկեղով հիվանդ հայաստանցի երեխա է մահացել Մարսելի Timeone հիվանդանոցում, գրում է «Ազգ» թերթը՝ հղում անելով ֆրանսիական «Le Monde» թերթին:

Ըստ թերթի՝ երեխան 6 տարեկան էր: Նա Հայաստանից տեղափոխվել էր Մարսել բուժման նպատակով: Թերթը նշում է, որ մահվան պատճառը քիմիաթերապիայի չափից դուրս բարձր դոզավորումն է եղել:

Մարսելի հիվանդանոցն արդեն ընդունել է իր մեղքը: Երեխային, փաստորեն, 10 անգամ ավելի բարձր քիմիաթերապիայի դոզա են տվել:

Հիվանդանոցը երեխայի հորը փոխանցել է 10 հազար եվրո՝ երեխային Հայաստան հասցնելու համար:

Ինչպես գրում է թերթը, որդու մահից հետո հայրը չի պատրաստվում դատի տալ հիվանդանոցին, նրա միակ նպատակն է որդու դին հասցնել Հայաստան՝ մորը:-0-