Ստեփանակերտում համագործակցության հուշագիր է ստորագրվել Հայաստանի և ԼՂՀ ԴԱՀԿԾ միջև

Ուրբաթ Ստեփանակերտում Համագործակցության հուշագիր է ստորագրվել Հայաստանի և ԼՂՀ Դատական ակտերի հարկադիր կատարման ծառայությունների միջև։

Ինչպես «Նովոստի-Արմենիա» գործակալությանը հայտնեցին ԼՂՀ կառավարության տեղեկատվության և հասարակայնության հետ կապերի վարչությունից, Փոխադարձ կապերի ամրապնդման, համատեղ աշխատանքների համակարգման և իրականացման նպատակով կողմերը համաձայնվեցին հուշագրի ստորագրումից հետո երկամսյա ժամկետում մշակել և հաստատել ծառայությունների միջև 2010-2011թթ. համագործակցության միջոցառումների ծրագիր:

Ծրագրում ներառվելիք միջոցառումների ցանկը կհստակեցվի փոխադարձ այցելությունների և աշխատանքային քննարկումների ընթացքում:

Կողմերը պարտավորվեցին ստեղծել երկարատև համագործակցության ապահովման անհրաժեշտ նախադրյալներ, նախանշել զարգացման ուղիները և հետամուտ լինել դրանց իրականացմանը: -0-