Ազգային թատերական «Արտավազդ 2010» ամենամյա մրցանակաբաշխությունը տեղի կունենա մարտի 27-ին Հ.Պարոնյանի անվան թատրոնում

Ազգային թատերական «Արտավազդ 2010» ամենամյա մրցանակաբաշխությունը տեղի կունենա մարտի 27-ին Հ.Պարոնյանի անվան թատրոնում, ուրբաթ «Նովոստի» միջազգային մամուլի կենտրոնում մամուլի ասուլիսի ժամանակ ասաց Հայաստանի Թատերական գործիչների միության նախագահ Հակոբ Ղազանչյանը:

«Այս տարի «Արտավազդ» մրցանակը նվիրված է հայ թատրոնի մեծանուն գործիչներ Վարդան Աճեմյանի և Արուս Ասրյանը 105-ամյակին»,- ասաց Ղազանչյանը:

Ռեժիսորի խոսքերով՝ «Արտավազդ» մրցանակաբաշխությունը տեղի կունենա 11 անվանակարգերով, և գոյության պատմության ընթացքում առաջին անգամ ստեղծվել է թատրոնի գեղարվեստական-տեխնիկական կազմի համար նախատեսված անվանակարգ:

Թատերական գործիչների միության նախագահը նշել է, որ վերջին երկու տարվա ընթացքում մրցանակաբաշխության արարողությունն անցկացվել է «Մոսկվա» կինոթատրոնում, սակայն այն արդեն չի կարող տեղավորել բոլոր նրանց, ովքեր ցանկանում են ներկա գտնվել արարողությանը:

«Այս տարի որոշվել է մրցաշանակաբաշխությունն անցկացնել Պարոնյանի անվան թատրոնում: Դրա համար ստեղծվել է երիտասարդական աշխատանքային խումբ, ես միայն օգնել եմ, որպեսզի նրանք ճաշակով կազմակերպեն վաղվա երեկոն», - ասաց Ղազանչյանը՝ ավելացնելով, որ համոզված է, որ միջոցառումը կանցնի շատ հետաքրքիր:

Թատերական գործիչների միության նախագահի խոսքերով՝ աշխատանքային խմբի նախաձեռնությամբ «Արտավազդի» օրհներգը՝ գրված Հովհաննես Թեքերջյանի խոսքերի և Վահե Հայրապետյանի երաժշտության հիման վրա, առաջին անգամ կհնչի մրցանակաբաշխության ժամանակ:

«Արտավազդ» ամենամյա ազգային թատերական մրցանակաբաշխությունն անցկացվում է Հայաստանում արդեն տասը տարի:

«Արտավազդ» մրցանակը կոչվում է Արտավազդ Երկրորդ թագավորի (առաջին դար) անունը, ով համարվում է հայկական ազգային թատրոնի հիմնադիրներից մեկը:-0-