ԵՐԵՎԱՆ, 23 մարտի. /Նովոստի-Արմենիա/. Հայաստանի «պատմական վերքերի» բուժումը հնարավոր է Հայաստանի և Թուրքիայի միջև երկխոսության հաստատման միջոցով, ասաց իռլանադացի հասարակական գործիչ և մեդիա-պրոդյուսեր Դան Մալանը:
««Պատմական վերքերի» բուժումը անհրաժեշտ եմ համարում: Պետք է հիշել պատմությունը, բայց չդառնալ դրա գերին»,- երեքշաբթի Մալանն ասաց «Նովոստի» միջազգային մամուլի կենտրոնում:
Այս առնչությամբ ես հիշեցի իմ այցը Թուրքիա «Արձագանքներ: Ֆիլմեր Հյուսիսային Իռլանդիայից» ծրագրի շրջանակներում, որտեղ ծանոթացել է երիտասարդ թուրքերի հետ, որոնք «մեծ կարեկցանքով են արտահայտվել Հայոց ցեղասպանության ու Հրանտ Դինքի մահվան մասին»:
Նա պատմեց, թե ինչպես թուրքական հայալեզու «Ակոս» շաբաթաթերթի գլխավոր խմբագիր Հրանտ Դինքի գերեզմանին այցելության ժամանակ, որին սպանել էին Ստամբուլում, հանդիպել է թուրք Մալիկ Յալցինին, որը Դինքին իր հոգևոր ուսուցիչն է համարել:
«Դինքի գերեզմանաքարի վրա փորագրված են Յալցինի բանաստեղծության տողերը, որոնք իրենցից հետաքրքիր փիլիսոփայական խոհեր են ներկայացնում»,- հուշերը կիսեց Դան Մալանը:
Իռլանդացի մեդիա-պրոդյուսերի խոսքերով՝ խաղաղ երկխոսություն կարելի է հաստատել ցանկացած, անգամ ոչ բարեկամական միջավայրում:
1915-1923 թթ. Հայոց ցեղասպանությունը XX դարի առաջին ցեղասպանությունն է, որը կազմակերպել և ծրագրված իրականացրել է երիտթուրքական կառավարությունը։ 1915-1923 թթ.-ին Թուրքիայում Հայոց ցեղասպանության փաստի ճանաչումը սկզբունքային նշանակություն ունի հայ ժողովրդի համար, քանի որ Ցեղասպանությունն իրականացվել է՝ Հայկական հարցը փակելու նպատակով։
Հայոց ցեղասպանության փաստը ճանաչել են բազմաթիվ երկրներ, մասնավորապես, Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, Գերմանիան, Հոլանդիան, Սլովակիան, Շվեդիան, Շվեյցարիան, ԱՄՆ 42 նահանգներ, ինչպես նաև Հունաստանի, Կիպրոսի, Արգենտինայի, Բելգիայի, Ուելսի խորհրդարանները, Կանադայի խորհրդարանի համայնքների պալատը և Լեհաստանի սեյմը, Վատիկանը, Եվրախորհդարանը, Եկեղեցիների համաշխարհային խորհուրդը։ -0-
