«Երևան-Դուբայ» չվերթը հետաձգվել է ուղևորների ծեծկռտուքի պատճառով

ԵՐԵՎԱՆ, 23 մարտի. /Նովոստի-Արմենիա/. «Երևան-Դուբայ» չվերթը երեքշաբթի առավոտյան հետաձգվել է «Արմավիա» ավիաընկերության ինքնաթիռում 8 ուղևորների ծեծկռտուքի պատճառով, «Նովոստի-Արմենիա» գործակալությանը հայտնեցին ընկերության մամուլի ծառայությունից:

Հաղորդագրության համաձայն՝ ծեծկռտուքի մասնակիցները ձերբակալվել են և ներկայումս գտնվում են «Զվարթնոց» օդանավակայանի ոստիկանության բաժնում: Կատարվում է քննություն:

«Չվերթը համապատասխան ծառայությունների ստուգումից հետո, մեկ ժամ անց, բարեհաջող իրականացվել է»,- ասվում է հաղորդագրության մեջ: -0-