415.64
6.71
406.14
+23
Եղանակը Երևանում
Հայ

ՀՀ նախագահի՝ ուժի չկիրառման համաձայնագիր ստորագրելու առաջարկը հունից հանել է ադրբեջանական կողմին. թերթ

11:38
23 Մարտի 2010

Ուժի չկիրառման համաձայնագիր ստորագրելու մասին ՀՀ նախագահ Սերժ Սարգսյանի առաջարկը հունից հանել է ադրբեջանական կողմին, գրում է «Նեզավիսիմայա գազետան»:

«Հայաստանի և Ադրբեջանի միջև լեզվակռիվը սկսվեց նախագահ Սերժ Սարգսյանի՝ Euronews հեռուստաալիքին տված հարցազրույցից հետո, որի ժամանակ նա առաջարկեց Բաքվին ստորագրել ուժի չկիրառման համաձայնագիր, ինչը «կծառայի Ադրբեջանի, Հայաստանի և Լեռնային Ղարաբաղի միջև վստահելի հարաբերությունների հաստատմանը», - ասվում է թերթում:

«Այդքան էլ հասկանալի չէ, թե կոնկրետ ինչն է հունից հանել ադրբեջանական կողմին, քանի որ Հայաստանի ղեկավարի առաջարկը համապատասխանում է ղարաբաղյան հակամարտության կարգավորման վերաբերյալ թարմացված Մադրիդյան սկզբունքներին, որոնք ամբողջովին բացառում են ուժի կիրառումն և դրական են գնահատվել Բաքվի կողմից», - նշում է հոդվածի հեղինակը:

Թերթը նշում է, որ Ադրբեջանի նախագահ Իլհամ Ալիևն այս թեմայի շուրջ կարծիք է հայտնել Բաքվում Նովրուզ Բայրամի տոնակատարության ժամանակ: «Բանակցությունների հիմնական մասն ավարտված է: Կարող եմ ասել, որ ներկայացված առաջարկությունները, փոքր բացառությամբ, ամբողջովին համապատասխանում են Ադրբեջանի ազգային շահերին»:

Նրա խոսքերով, «բանակցային գործընթացի ընթացքում ներկայացված  առաջարկներն ապահովում են Ադրբեջանի տարածքային ամբողջականությունը, Բաքվի վերահսկողության տակ են վերադարձվում օկուպացված տարածքները»: «Եթե մյուս կողմը կառուցողականություն դրսևորի և համաձայնի առաջարկված տարբերակին, ապա մենք կարող են ավելի արագ առաջընթաց արձանագրել հակամարտության կարգավորման հարցում», - հայտարարել է Իլհամ Ալիևը և ընդգծել, որ Ղարաբաղ երբեք անկախ պետություն չի լինի:

«Երևանում միանգամից արձագանքեցին ոչ պակաս ծաղկուն հայտարարությամբ այն մասին, որ ավելի շուտ երկինքը փուլ կգա, քան Ղարաբաղը կվերադառնա Ադրբեջանի կազմ՝ հիշեցնելով մասին, թե ինչի հանգեցրեց Վրաստանի նախագահ Միխեիլ Սահակաշվիլու՝ Աբխազիայի և Հարավային Օսեթիայի հետ խաղաղ համաձայնագիր ստորագրելու չկամությունը», - նշում է թերթը:

Թերթը հիշեցնում է, որ կիրակի ՀՀ փոխարտգործնախարար Շավարշ Քոչարյանը հերքեց ԼՂՀ-ում Բաքվի իրավազորության շուտափույթ վերականգնման մասին Ադրբեջանի նախագահի խոսքերը: «Ժառանգությամբ ստացված իշխանության անփոխարինելիության սահմանադրական ամրագրումից հետո, նախագահ Ալիեւը իրեն իրավունք է վերապահել խոսել ժամանակի, միջազգային իրավունքի, միջնորդների, Հայաստանի եւ Լեռնային Ղարաբաղի ժողովրդի անունից: Բաքուն ձև է անում, թե չի հասկանում Լեռնային Ղարաբաղի անկախությանը այլընտրանքի բացակայությունը` ոչ հիմա, ոչ հարյուր տարի անց կամ էլ երբևէ: Լեռնային Ղարաբաղի Հանրապետությունը միջազգային իրավունքի նորմերին լիովին համապատասխան կայացած պետություն է, որը կարողացել է դիմագրավել Ադրբեջանի էթնիկ զտումների քաղաքականությանը և ագրեսիային»:

Միաժամանակ ինչպես հիշեցնում է թերթը, Լեռնային Ղարաբաղում, մասնավորապես՝ շփման գծում տիրող իրավիճակը վերջին շաբաթվա ընթացքում զգալիորեն սրվել է: ԼՂՀ պաշտպանության նախարարության տվյալների համաձայն, Ադրբեջանցի զինծառայողները մարտի 14-20-ն ընկած ժամանակահատվածում ԼՂՀ և Ադրբեջանի ԶՈՒ շփման գծի տարբեր հատվածներում 98 անգամ խախտել են հրադադարի ռեժիմը:  «Միայն մարտի 15-ին ժամը 17-19-ը Ղարաբաղի դիրքերի շփման գծի հարավարևելյան հատվածի ուղղությամբ հակառակորդը դիպուկահար հրացանից 13 գնդակ է արձակել: Նույն տիպի դիպուկահար հրացանից գնդակոծման տասնյակ փաստեր են գրանցվել նաև առաջնային գծի այլ հատվածներում: Ղարաբաղի Պաշտպանության բանակի զինծառայողների կողմից բոլոր ուղղություններով ձեռնարկված պատասխան գործողությունների արդյունքում հակառակորդը դադարեցրել է կրակոցները», - նշվում է ԼՂՀ պաշտպանության նախարարության մամուլի ծառայության տեղեկատվության մեջ:

Բացի այդ, ինչպես նշում է հոդվածի հեղինակը, «ԼՂՀ հակաօդային պաշտպանության ստորաբաժանումներն արձանագրել են, որ հակառակորդը օդուժի զորավարժություններ է անցկացում սահմանամերձ տարածքում: ԼՂՀ օդային սահմանի խախտումներ չեն գրանցվել»:

ԼՂՀ նախագահի աշխատակազմի Տեղեկատվության գլխավոր վարչության պետ Դավիթ Բաբայանը հեռախոսով հաստատել է «Նեզավիսիմայա գազետային»: «Իրավիճակը, իսկապես, սրվել է: Սակայն մենք սովորել ենք, որ տոն օրերն ադրբեջանցիները սկսում են «պղտորել», այժմ Նովրուզ Բայրամն է....Սակայն իրավիճակը գտնվում է ԼՂՀ Պաշտպանության բանակի վերահսկողության տակ, և որևէ արտառոց բան չի գրանցվել», - «Նեզավիսիմայա գազետային» է ասել Բաբայանը:

Նրա խոսքերով՝ ուժի չկիրառման համաձայնագիր ստորագրելու մասին նախագահ Սերժ Սարգսյանի առաջարկն առաջին անգամը չէ, որ հնչում է, սակայն ադրբեջանական կողմն ամեն անգամ հրաժարվում է: «Նմանատիպ նախաձեռնությամբ է հանդես եկել նաև ԼՂՀ ղեկավարությունը: Գաղափարը դրական են գնահատել նաև ԵԱՀԿ Մինսկի խմբի համանախագահները, ովքեր համակարգում են բանակցությունները: Սակայն տեղաշարժեր չկան», - ասել է Բաբայանը:

Թերթը նշում է, որ «կախված» է մնացել նաև բանակցությունների սեղանին ԼՂՀ ներկայացուցիչների հնարավոր վերադարձի հետ կապված հարցը՝ չնայած Բաքուն արդեն սկզբունքային առարկություններ չունի:

«Այստեղ մի նրբություն կա. հանուն ինչի՞ վերադառնալ: Եթե ադրբեջանական կողմը փորձի փոխել իրավիճակն ու վերադառնալ 1988 թ.-ի հարցերին, ապա նման երկխոսությունն անիմաստ է: Իսկ եթե նա պատրաստ է սկսել զրոյից, այսինքն հաշվի առնել այսօրվա իրողությունները, ապա Ստեփանակերտը «կողմ» է», - եզրափակել է Բաբայանը:-0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

Partners News
ԱՌԿԱ գործակալություն
Բաժնի այլ նյութեր
20:09
05 Օգոստոսի 2022
ԱՄՆ պետքարտուղարը Փաշինյանի հետ զրույցում պատրաստակամություն է հայտնել աջակցելու Արցախում իրավիճակի կայունացմանը
ԱՄՆ պետքարտուղարը Փաշինյանի հետ զրույցում պատրաստակամություն է հայտնել աջակցելու Արցախում իրավիճակի կայունացմանը
14:14
05 Օգոստոսի 2022
«Իբր դա հպարտանալու բան է». ամերիկացի սենատորը վրդովված է, որ Ադրբեջանը «հպարտանում է» Արցախին հասցված ավիահարվածներով
«Իբր դա հպարտանալու բան է». ամերիկացի սենատորը վրդովված է, որ Ադրբեջանը «հպարտանում է» Արցախին հասցված ավիահարվածներով
12:35
04 Օգոստոսի 2022
«Պատրաստ ենք, թող գան, հատեն, գնան Նախիջևան». հենց այսօր Ադրբեջանը մի քանի կետերով կարող է հատել Հայաստանի սահմանը և երթևեկել դեպի Նախիջևան. Փաշինյան (ՎԻԴԵՈ)
Փաշինյան. այսօր պաշտոնապես ասում եմ. այսօր Ադրբեջանը մի քանի կետերով կարող է հատել Հայաստանի սահմանը և երթևեկությունն իրականացնել դեպի Նախիջևան. ՎԻԴԵՈ
23:43
03 Օգոստոսի 2022
Իրանն ուժեր է տեղափոխում Ադրբեջանի հետ սահման Արցախում իրավիճակի սրացման ֆոնին (ՎԻԴԵՈ)
Իրանն ուժեր է տեղափոխում Ադրբեջանի հետ սահման Արցախում իրավիճակի սրացման ֆոնին. ՎԻԴԵՈ
13:54
03 Օգոստոսի 2022
Արցախը Հայաստանի հետ կապող երթևեկությունը Լաչինի միջանցքի փոխարեն այլ երթուղով կազմակերպելու Ադրբեջանի պահանջը լեգիտիմ չէ. ԱԽ քարտուղար
ԱԽ քարտուղարը շեշտում է, որ Արցախը Հայաստանի հետ կապող երթևեկությունը Լաչինի միջանցքի փոխարեն այլ երթուղով կազմակերպելու Ադրբեջանի պահանջը լեգիտիմ չէ
15:58
02 Օգոստոսի 2022
Միրզոյանն ու Լավրովն այսօր հեռախոսազրույց են ունեցել
Միրզոյանն ու Լավրովն այսօր հեռախոսազրույց են ունեցել
15:33
02 Օգոստոսի 2022
Հայաստանը ՄԻԵԴ է ներկայացրել նոր միջպետական ամբողջական գանգատ ընդդեմ Ադրբեջանի
Հայաստանը Մարդու իրավունքների եվրոպական դատարան է ներկայացրել նոր միջպետական ամբողջական գանգատ ընդդեմ Ադրբեջանի
10:44
28 Հուլիսի 2022
Ռուսաստանի համար գլխավորը Հարավային Կովկասում «թաքուն խաղեր» թույլ չտալն է. ՌԴ ԱԳՆ փոխխոսնակ
ՌԴ ԱԳՆ–ից հայտնում են, որ Ռուսաստանի համար գլխավորը Հարավային Կովկասում «թաքուն խաղեր» թույլ չտալն է
13:15
26 Հուլիսի 2022
Բանակցություններ են ընթանում Փաշինյան-Ալիև հանդիպման անցկացման շուրջ․ Աղաջանյան
Վերջին շրջանում բավականին ակտիվ գործունեություն է իրականացվում դիվանագիտական հատվածում
10:15
22 Հուլիսի 2022
Թուրքիայի ԱԳ նախարար. Անկարան Երևանից հստակ քայլեր է ակնկալում երկկողմ հարաբերությունների կարգավորման հարցում
Չավուշօղլուն հայտարարել է, որ Թուրքիան Հայաստանի հետ երկկողմ ձևաչափով գործընթաց է սկսել, սակայն պետք չէ մոռանալ, որ այն իրականում եռակողմ է։ Իրենք ամեն մի քայլ Ադրբեջանի հետ են համապատասխանեցնում՝ կուզի Հայաստանը, թե ոչ, իրականությունը դա է
15:18
20 Հուլիսի 2022
Ուկրաինայում ՌԴ հատուկ օպերացիայի աշխարհագրական խնդիրները փոխվել են. Լավրով
Լավրովը հայտարարել է, որ Ուկրաինայում ՌԴ հատուկ օպերացիայի աշխարհագրական խնդիրները փոխվել են
12:19
18 Հուլիսի 2022
ԱՄՆ պետքարտուղարի տեղակալը զանգահարել է Միրզոյանին. ի՞նչ են քննարկել
ԱՄՆ պետքարտուղարի տեղակալը զանգահարել է Միրզոյանին. ի՞նչ են քննարկել