ՀՀ պաշտպանության նախարարը ռազմաարդյունաբերական համալիրի զարգացմանն առնչվող հարցեր է քննարկել գիտնականների հետ

ՀՀ պաշտպանության նախարար Սեյրան Օհանյանը գիտնականների հետ քննարկել է ռազմաարդյունաբերական համալիրի ներկա վիճակին ու հնարավորություններին, զարգացման հեռանկարներին առնչվող հարցեր:

Ինչպես հաղորդում է ՀՀ պաշտպանության նախարարության մամուլի ծառայությունը, խորհրդակցությունը տեղի է ունեցել Երևանի մաթեմատիկական մեքենաների գիտահետազոտական ինստիտուտ նախարարի այցելության ընթացքում:

ՀՀ պաշտպանության նախարարին ներկայացվել են ինստիտուտում արտադրվող համակարգչային ու թվային նորագույն սարքավորումները, որոնք կիրառելի են նաև զինված ուժերում:

Պաշտպանության նախարարը շրջել է ինստիտուտի թանգարանում, ծանոթացել է ցուցանմուշներին, գրառումներ է կատարել այցելուների մատյանում:-0-