Թուրք վարչապետը գանգատվել է, թե իր հայտարարությունը՝ ապօրինի բնակվող հայերին արտաքսելու մասին, խեղաթյուրվել է

Թուրքիայի վարչապետ Ռեջեփ Թայիփ Էրդողանն ուրբաթ հայտարարել է, թե իր արտահայտությունը՝ Թուրքիայում անօրինական բնակվող 100 հազար հայերի հնարավոր արտաքսման վերաբերյալ ,խեղաթյուրվել են արտերկրյա ԶԼՄ-ների կողմից։ Այս կապակցությամբ նա ասել է, որ մտադիր չէ ներողություն խնդրել իր այն խոսքերի համար, որոնք սխալ են մեկնաբանվել, հաղորդում է ՌԻԱ Նովոստին։

Թուրքիայի վարչապետ Ռեջեփ Թայիպ Էրդողանը BBC հեռուստաընկերությանը տված հարցազրույցում սպառնացել է արտաքսել Թուրքիայի տարածքում անօրինական բնակվող բոլոր հայերին։ Ըստ նրա, ներկայում Թուրքիայում բնակվում է շուրջ 170 հազար մարդ, որոնցից միայն 70 հազարն են Թուրքիայի քաղաքացիներ։ «Վաղը, եթե հարկ լինի, ես այդ 100 հազարին, որոնց մենք պահում ենք, կասեմ հեռանան մեր երկրից: Ես դա կանեմ, քանի որ նրանք իմ քաղաքացիները չեն, և ես պարտավոր չեմ պահել նրանց իմ երկրում», - սպառնացել է Էրդողանը:

«Դիմում եմ նրանց, ովքեր ցանկանում են աղավաղել իմ խոսքերը և «խորհուրդ են տալիս» ներողություն խնդրել՝ մենք քաջ գիտենք, թե ումից ներողություն խնդրել»,- ընդգծել է թուրք կառավարության  ղեկավարը՝ հանդես գալով Անկարայում իր գլխավորած իշխող «Արդարության և զարգացման» կուսակցության տարածաշրջանային մասնաճյուղերի ղեկավարների հետ հանդիպման ընթացքում։

Թուրքիան ավանդաբար հերքում է Առաջին համաշխարհային պատերազմի տարիներին Օսմանյան կայսրությունում շուրջ մեկուկես միլիոն հայերի ոչնչացումը և շատ ցավոտ է արձագանքում Արևմուտքի քննադատությանն այս հարցում։ Մարտի 4-ին ԱՄՆ Կոնգրեսի Ներկայացուցիչների պալատի արտաքին հարաբերությունների հանձնաժողովի կողմից Օսմանյան կայսրությունում Հայոց ցեղասպանության բանաձևի ընդունումից և մարտի 11-ին Շվեդիայի խորհրդարանի կողմից Հայոց ցեղասպանության ճանաչումից հետո Թուրքիան խորհրդակցությունների համար հետ է կանչել Ստոկհոլմում և Վաշինգտոնում իր դեսպաններին։

Թուրքական իշխանությունները բազմիցս նախազգուշացրել են, որ Հայոց ցեղասպանության ճանաչման բանաձևի ընդունումը վնաս կհասցնի թուրք-հայկական հարաբերությունների բարելավման գործընթացին՝ նախորդ տարվա հոկտեմբերին Թուրքիայի և Հայաստանի ԱԳՆ ղեկավարների կողմից Շվեյցարիայում դիվանագիտական հարաբերությունների և երկկողմ կապերի զարգացման արձանագրությունների ստորագրումից հետո։

Հայաստանի և Թուրքիայի միջև չկան դիվանագիտական հարաբերություններ, իսկ 1993-ից, պաշտոնական Անկարայի նախաձեռնությամբ, փակ է հայ-թուրքական սահմանը։ Հարաբերությունները բարդացան, երբ Անկարան սկսեց սատարել ադրբեջանական դիրքորոշմանը՝ ղարաբաղյան հարցում, և երբ Թուրքիան կտրուկ արձագանքեց Օսմանյան կայսրությունում 1915թ. հայոց ցեղասպանության միջազգային ճանաչման գործընթացին:

«Ես ասել եմ ոչ մեր քաղաքացի հայերի մասին»,- պարզաբանել է վարչապետն՝ ավելացնելով, որ ВВС-ին տված հարցազրույցում, որը ոչ միանշանակ արձագանք առաջացրեց Թուրքիայում, խոսքը գնում էր երկրում անօրինական բնակվող Հայաստանի քաղաքացիների մասին։

 «Ի տարբերություն տեղական ԶԼՄ-ների, արտերկրյա մամուլում «անօրինական գտնվող» արտահայտությունը չի նշվել»,- գանգատվել է Էրդողանը։

«Մենք որևէ խնդիր չունենք հայկական արմատներ ունեցող մեր քաղաքացիների հետ։ Ավելին, մեր կառավարման ընթացքում մենք միմյանց հետ հիանալի հարաբերություններ ենք ստեղծել»,- ասել է վարչապետը։

Էրդողանը կոչ է արել նաև «խուսափել ցանկացած գործողություններից, որոնք կարող են բարդացնել Թուրքիայի և Հայաստանի միջև հարաբերությունների բարելավման գործընթացը։ «Սրա համար կվճարենք ոչ թե մենք, այլ գործընթացը բարդացնողները»,- նախազգուշացրել է թուրքական