Պատրիարք Կիրիլն իր այցը երկու եկեղեցիների միջև հարաբերությունների բարձր մակարդակի վկայություն է համարում

ԵՐԵՎԱՆ, 16 մարտի. /Նովոստի-Արմենիա/. Մոսկվայի և Համայն Ռուսիո Պատրիարք Կիրիլը համարում է իր այցը Հայաստան Հայ Առաքելական և Ռուս Ուղղափառ եկեղեցիների միջև հարաբերությունների բարձր մակարդակի վկայություն, հաղորդում է «Նովոստի-Արմենիա» գործակալության թղթակիցը:

«Նման այցերը կարևոր նշանակություն ունեն և վկայում են եկեղեցիների միջև հարաբերությունների բարձր մակարդակի մասին, ինչպես նաև դրանց զարգացման խթան են հանդիսանում», - ասաց Պատրիարքը լրագրողներին օդանավակայանում:

«Հիշելն այն մասին, որ մենք՝ որպես ուղղափառ եկեղեցիներ, պատկանում ենք հնադարյան առաքելական ավանդույթներին, որոնք բարոյական և հոգևոր արժեքներ ունեն, շատ կարևոր է, որպեսզի նման այցերը մեզ դարձնեն իրական գործընկերներ այդ արժեքների պահպանման և պաշտպանության գործում ինչպես մեր երկրների, այնպես էլ ողջ աշխարհի համար», - ասաց Պատրիարքը:

Կիրիլն ասաց, որ մեծ հույսեր է կապում իր հոգևոր եղբոր (Գարեգին Երկրորդ), Հայ եկեղեցու հոգևորականության և Հայաստանի հավատացյալ ժողովրդի հետ հանդիպման հետ:

«Ուրախ եմ, որ ես ոտք դրեցի այս օրհնված և բազմաչարչար հողի վրա», - ասաց նա:

Ամենայն Հայոց Գերագին Երկրորդ Կաթողիկոսն իր հերթին ասաց, որ երկու եկեղեցիների միջև հարաբերություններն ունեն բազմադարյա պատմություն:

«Մենք ուրախանում ենք, որ այդ հարաբերություններն առկա են ոչ միայն մեր եկեղեցիների միջև, այլև մեր երկրները շարունակում են զարգանալ և ունեն զարգացման միտում: Մենք գոհունակությամբ ցանկանում ենք նշել Ռուսաստանում մեր զավակների նկատմամբ Պատրիարքի բացառապես հայրական վերաբերմունքը», - ասաց նա:-0-