Հայկական խորհրդարանի խոսնակը երկկողմ համագործակցության հեռանկարներ է քննարկել Բելառուսի իր գործընկերոջ հետ

ՀՀ Ազգային ժողովի նախագահ Հովիկ Աբրահամյանը երկուշաբթի հեռախոսազրույց է ունեցել Բելառուսի Հանրապետության Ազգային ժողովի նախագահ Բորիս Բատուրայի հետ, տեղեկացնում է հայկական խորհրդարանի հասարակայնության և տեղեկատվության միջոցների հետ կապերի վարչությունը։  

«Կողմերը քննարկել են երկու երկրների խորհրդարանների համագործակցությանը վերաբերող հարցեր և նշել են առկա կապերը խորացնելու և համագործակցության ոլորտներն ընդլայնելու անհրաժեշտությունը: Կարևորվել է նաև  խորհրդարանների միջև փորձի փոխանակումը»,- նշվում է հաղորդագրությունում։ --0--