Քարաթափման հետևանքով ավտոճանապարհ է փակվել Հայաստանի հյուսիսում

ՀՀ Տավուշի մարզում տեղի ունեցած քարաթափման հետևանքով փակվել է Հաղարծնի վանահամալիր տանող ավտոճանապարհը, հաղորդում է ՀՀ փրկարար ծառայությունը:

Դեպքը տեղի է ունեցել նախորդ ուրբաթ: Քարաթափումը գրեթե ամբողջությամբ փակել է ճանապարհը և վնասել Թեղուտ գյուղի խմելու ջրագիծը:

Դեպքի վայր է մեկնել մարզային փրկարարական վարչության օպերատիվ խումբը:

Մարզպետարանի և «Ճանշինի» աշխատակիցների կողմից ձեռնարկված միջոցառումների արդյունքում ավտոճանապարհի ազատ հատվածով ապահովվել է միակողմանի երթևեկություն:-0-