Հայաստանի նախագահը մասնակցել է Յանուկովիչի երդմնակալության արարողությանը
ԵՐԵՎԱՆ, 25 փետրվարի. /Նովոստի-Արմենիա/. Նախագահ Սերժ Սարգսյանը հինգշաբթի Կիևում մասնակցել է Ուկրաինայի նորընտիր նախագահ Վիկտոր Յանուկովիչի երդմնակալության պաշտոնական արարողությանը, հայտնում է երկրի ղեկավարի մամուլի ծառայությունը:
Նախագահի գլխավորած պատվիրակության կազմում են «Բարգավաճ Հայաստան» կուսակցության ղեկավար Գագիկ Ծառուկյանը, նախագահի խորհրդական Անդրանիկ Մանուկյանը, Ուկրաինայում Հայաստանի արտակարգ և լիազոր դեսպան Արմեն Խաչատրյանը:
«Ուկրաինայի նորընտիր նախագահի երդմնակալության արարողության կապակցությամբ հրավիրված Գերագույն Ռադայի հատուկ նիստի ավարտից հետո Հայաստանի Հանրապետության նախագահ Սերժ Սարգսյանը մասնակցել է Կիև ժամանած օտարերկրյա պետությունների ղեկավարների պատվին Վիկտոր Յանուկովիչի կողմից տրված պաշտոնական ընդունելությանը և պաշտոնական ճաշին, շփումներ ունեցել օտարերկրյա իր գործընկերների և այլ բարձրաստիճան պաշտոնյաների հետ»,- ասվում է հաղորդագրության մեջ:
Նախագահ Սերժ Սարգսյանի գլխավորած պատվիրակությունն այսօր ուշ երեկոյան կվերադառնա Երևան:-0-
