ՄԱԿ-ը կշարունակի աջակցել Հայաստանին ազգային փոքրամասնությունների իրավունքների պաշտպանության գործում
ՄԱԿ-ը կշարունակի աջակցել Հայաստանի կառավարությանն ու հասարակական կազմակերպություններին ազգային փոքրամասնությունների իրավունքների պաշտպանության գործում, հինգշաբթի ՄԱԿ-ի երևանյան գրասենյակում ազգային փոքրամասնությունների հարցով կլոր սեղանի ժամանակ ասաց ՄԱԿ-ի հանրային տեղեկատվության դեպարտամենտի ներկայացուցիչ Մարիա Դոցենկոն:
«Մենք ուրախ ենք, որ կառավարության ու ազգային փոքրամասնությունների համայնքների միջև համագործակցությունն ընթանում է փոխըմբռնման ու հանդուրժողականության հիման վրա»,- ասաց նա:
ՄԱԿ-ի ներկայացուցիչը ողջունեց նաև Հայաստանում որպես պետական տոն Մայրենի լեզվի օրվա հռչակումը, ինչպես նաև 2010 թ.-ը որպես Լեզվի տարի հռչակելը:
«Լեզուն ազգային ինքնությունը պահպանելու առանցքային գործիք է: Հայաստանում Լեզվի տարվա հռչակումը ցույց է տալիս պետությանը հարգանքը բոլոր լեզուներ հանդեպ»,- ասաց նա:
Պաշտոնական տվյալներով՝ ազգային փոքրամասնությունները ՀՀ բնակչության 3 տոկոսն են կազմում: Հայաստանի տարածքում ապրում է ազգային փոքրամասնությունների 11 համայնք, որոնցից ամենամեծը եզդիական համայնքն է: -0-
