Ռուս զինծառայողները պատվով են կատարում իրենց խնդիրները Հայաստանում. Հայաստանի պաշտպանության նախարար

ԵՐԵՎԱՆ, 23 փետրվարի. /Նովոստի-Արմենիա/. Ռուս զինծառայողները պատվով են կատարում իրենց առջև դրված խնդիրները Հայաստանում, երեքշաբթի լրագրողներին հայտնեց Հայաստանի պաշտպանության նախարար Սեյրան Օհանյանը Հայրենիքի պաշտպանի օրվան նվիրված միջոցառման ընթացքում։

«Ռուսաստանի զինված ուժերը պատվով են կատարում իրենց առջև դրված խնդիրները և հայկական ուժերի հետ միասին, պաշտպանելով հանրապետության հարավային սահմանները, ստեղծում են Հարավային Կովկասում առկա անվտանգության միջավայրը»,- ասաց նախարարը։

Խոսելով փետրվարի 23-ին նշվող Հայրենիքի պաշտպանի օրվա մասին՝ պաշտպանության նախարարն ընդգծեց, որ այդ գեղեցիկ տոնը խորհրդանշում է պատմական ավանդույթների և անցած ուղու նկատմամբ հավատարմությունը։

Հայաստանում ռուսական ռազմական ներկայությունը Ռուսաստանի սահմանապահ զորքերի հետ միասին Հայաստանի ազգային անվտանգության կարևոր բաղկացուցիչներից է: Գյումրիում տեղակայված է ռուսական 102-րդ ռազմաբազան, որը ռազմական հերթապահություն է իրականացնում ԱՊՀ Հակաօդային պաշտպանության միացյալ համակարգի շրջանակներում: Բազան ենթարկվում է ՌԴ Հյուսիս-կովկասյան ռազմական օկրուգի ռուսական զորախմբին:-0-