Հայաստանում Ցեղասպանության մասին գիտելիքները մակերեսային են. փորձագետ

Հայաստանում Հայոց ցեղասպանության մասին գիտելիքները մակերեսային են, երկուշաբթի հայտարարեց Ցեղասպանության թանգարան-ինստիտուտի տնօրեն Հայկ Դեմոյանը:

«Ամենայն պատասխանատվությամբ հայտարարում եմ, որ ցեղասպանության վերաբերյալ ունեցած մեր գիտելիքները էպիզոդիկ ու մակերեսային են,- ասաց Դեմոյանը:

Նրա խոսքերով, այս հարցում զգացմունքները հաճախ խանգարում են մանրամասն ու խորը ուսումնասիրել և հասկանալ իրադարձությունները, հասկանալ, թե ինչ է տեղի ունեցել ու ինչպես է աշխարհն արձագանքել դրան:

Փորձագետն ասաց, որ գոյություն ունի մինչ օրս չուսումնասիրված նյութեր այս հարցի վերաբերյալ, դեռևս 20-րդ դարի 20-ականներին տպագրված մի շարք գրականագիտական հրատարակումներ ու հուշագրություններ մոռացվել կամ կորսվել են:

Այս կապակցությամբ նաև ընդգծեց դրանց վերատպման կարևորությունը:

«մենք պետք է գիտելիքը խորքային մատուցենք, ոչ թե գրական, զգացմունքային ու լիրիկական տեսանկյունից: Մենք կրթություն ենք տալիս, որը ցույց է տալիս զոհը կերպարը և չի օգնում ազգի առողջացմանը»,- ասաց Դեմոյանը:

Նա նաև հայտնեց, որ Ցեղասպանության թեման պետք է օրինապահություն դաստիրակելու միջոց դառնա, քանի որ նման սարսափելի երևույթ վերապրած ազգը «իրավունք չունի ապրելու այնպես, ինչպես հիմա է ապրում»:

Հայոց մեծ եղեռնը 20-րդ դարի առաջին ցեղասպանությունն է, որը կազմակերպվել և ծրագրավորված իրագործվել է երիտթուրքական կառավարության կողմից, ինչի հետևանքով Օսմանյան կայսրության կազմի մեջ մտնող Արևմտյան Հայաստանում, սրի է քաշվել ավելի քան 1,5 մլն հայ։

Հայոց ցեղասպանության փաստը ճանաչել են բազմաթիվ երկրներ, մասնավորապես, Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, ԱՄՆ-ի մեծ թվով նահանգներ, ինչպես նաև Հունաստանի, Կիպրոսի, Արգենտինայի, Բելգիայի, Ուելսի խորհրդարանները, Շվեյցարիայի ազգային խորhուրդը, Կանադայի խորհրդարանի համայնքների պալատը և Լեհաստանի սեյմը։ -0-