Հայ-թուրքական հարաբերությունների կարգավորման հարցում Թուրքիան մնացել է առանց դաշնակիցների, գրում է «168 ժամ» թերթը՝ հղում անելով «The Economist» հրատարակությանը:
Ըստ թերթի՝ Թուրքիայի միակ դաշնակիցը պաշտոնական Վաշինգտոնն էր, սակայն նա էլ անցել է Հայաստանի կողմը:
Ազգայնականների և ցասումով լի Ադրբեջանի միջև կանգնած թուրքական իշխանություններն իրենց անհանգստություններն արդարացնելու համար սկսեցին շահարկել ՀՀ ՍԴ-ի որոշումը:
Թերթը նաև նշում է, որ հայ-թուրքական գործընթացի ձախողման դեպքում ճանապարհ կհարթվի ԱՄՆ Կոնգրեսի կողմից 1915 թ.-ի իրադարձությունները որպես ցեղասպանություն ճանաչելու համար: Սակայն այդ դեպքում Թուրքիայի կողմից կարող են լինել պատասխան քայլեր: Օրինակ՝ ամերիկացիներին կարող են վռնդել Թուրքիայի տարածքում տեղակայված Ինջիրլիքի ռազմաբազայից:-0-
