Մեծ քանակությամբ թմրանյութ է հայտնաբերվել հայ դատապարտյալի մոտ ընկերուհու հետ հանդիպումից հետո

Մեծ քանակությամբ թմրանյութ է հայտնաբերվել Երևանի Նուբարաշեն քրեակատարողական հաստատության մի դատապարտյալի մոտ, երեքշաբթի հայտնում է ՀՀ Ոստիկանությունը:

«ՀՀ ԱՆ Նուբարաշենի քրեակատարողական հիմնարկությունից ոստիկանության Էրեբունու քննչական բաժնում նյութեր են ստացվել, որ փետրվարի 12-ին 26-ամյա Արման Ազատյանի և 28-ամյա Աննա Հ.-ի տեսակցությունից հետո Ազատյանը խուզարկության է ենթարկվել, որի ընթացքում նրա գուլպայի մեջ հայտնաբերվել է 2 փաթեթ, խոշոր չափի` 0,032 գրամ «Բուպրենորֆին» թմրամիջոցի պարունակությամբ»,- ասվում է հաղորդագրության մեջ:

Կատարվում է նախաքննություն, իրավապահ մարմինները պարզում են տեղի ունեցածի հանգամանքները:-0-