Հայ-թուրքական հարաբերությունները վաղ թե ուշ կբարելավվեն. ՀՀ վարչապետ

Հայ-թուրքական հարաբերությունները վաղ թե ուշ կբարելավվեն, քանի որ սահմանի փակումը հարևան երկրների միջև 21-րդ դարում նոնսենս է և անհեթեություն, ուրբաթ ասաց Հայաստանի վարչապետ Տիգրան Սարգսյանը։

«Քաղաքական իշխանությունները կարող են հայտնվել ոչ նախանձելի իրավիճակում, եթե հետ մնան համաշխարհային գործընթացներից»,- ասաց նա՝ ելույթ ունենալով «Հայ-թուրքական հարաբերություններ և միջսահմանային ռեգիոնալիզմ» թեմայով հանրային քննարկումներում։ 

Սարգսյանի խոսքերով՝ հասարակություններն իրենք պետք է ազդեն քաղաքական իշխանությունների վրա։

«Հասարակություններն այնպիսի միջավայր պետք է ձևավորեն, որպեսզի քաղաքական իշխանությունները հասկանան, որ իրենք արձանագրությունների ստորագրմանն այլընտրանք չունեն։ Ես կարծում եմ, որ դա ժամանակ չպահանջող ճիշտ ուղղություն է»,- ընդգծեց նա։

Սարգսյանը նշեց նաև, որ այդ ամենը գիտակցելով՝ իշխանությունները պետք է զուգահեռ աշխատեն քաղաքական դաշտում և հասարակական մթնոլորտի ձևավորման համար դրական լուծումներ գտնելու հարցում քաղաքական գործիչներին օժանդակություն ցուցաբերելու ուղղությամբ:  

Երկու երկրների միջև բարդ հարաբերությունները պայմանավորված են մի շարք հանգամանքներով, որոնք կապված են, մասնավորապես, Անկարայի՝ ադրբեջանական դիրքորոշման պաշտպանությամբ ղարաբաղյան հարցում, ինչպես նաև Թուրքիայի սուր արձագանքի հետ 1915 թվականին Օսմանյան կայսրությունում Հայոց ցեղասպանության միջազգային ճանաչման հետ կապված։ -0-